Euroagindua

Puigdemonten euroaginduari buruzko auzi saioa hilaren 29an egingo dute

Espainiako Gorenak haren aurka ematen duen hirugarren euroagindua da hau, eta, aurreko bietan bezala, justiziak hura aske uztea erabaki du, edozein mugimendu jakinarazteko baldintzarekin.

Carles Puigdemont, Bruselan, joan den asteartean. /
Carles Puigdemont, Bruselan, joan den asteartean. / Olivier Hoslet/EFE

Berria -

2019ko urriak 18

Goizeko bederatzietan eta Paul Bekaert abokatuarekin batera joan da Carles Puigdemont Generalitateko presidente ohia Bruselako auzitegietara. Joan den astelehenetik, indarrean da haren aurkako euroagindua. Aurreko bi kasuetan ez bezala, sedizioa leporatzen diote oraingoan gobernuburu ohiari.

"Prozesu honek eskatzen dituen pauso guztiak ematen ari da", azaldu du presidente ohiaren bulegoak, komunikatu batean. Belgikako justiziak erabaki beharko du orain Espainiak eskatutako euroagindua onartu edo ez; horri buruzko auzi saioa hilaren 29an egingo dute.

Buruzagi subiranistaren aurkako lehen euroagindua Espainiako Auzitegi Nazionalak aurkeztu zuen duela bi urte, baina Gorenak bertan behera utzi zuen kasua haren eskuetara pasatu zenean. Bigarrena izan zen, Kataluniako presidente kargugabetua Alemaniara joan zenean; kasu horretan, Schleswig-Holsteingo Lurralde Auzitegiak ebatzi zuen «onartezina» litzatekeela matxinadagatik Espainiaratzea, hori soilik diru publikoa bidegabeki erabiltzeagatik egin zitekeelako.  

Oraingoan, Belgikako auzitegiek Puigdemontek Espainiaratzea onartuko balute, Kataluniako presidente kargugabetuak aukera luke helegite bat aurkezteko apelazio auzitegi batean; horrek ere baiezkoa emango balu, pauso bera eman lezake kasazio auzitegi batean. Hortaz, kasuak hainbat hilabete iraun lezake.

Oraingoz, hala ere, hura ez atxilotzea erabaki du Bruselak, eta bermerik gabe aske utzi du, betiere, inora joateko asmoa balu jakinarazteko baldintzarekin.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Osasun langileak, atzo, PCRak egiten, Donostiako Okendo kultur etxean. ©GORKA RUBIO / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©LUKAS COCH / EFE

COVID-19aren kutsatzeak arakatzeko aplikazioen eraginkortasuna, kolokan

Munia El Marhoum Iruretagoiena

«Normaltasun berrira» heldu bidean, koronabirusaren zabaltzea geldiarazteko tresna gisa aurkeztu dituzte zenbait 'app'. Herrialde askotan ez dira lortu hasiera batean aurreikusitako emaitzak

 ©RAUL BOGAJO / FOKU
Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako oharrean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzekoa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna