Gaur hasi da Gipuzkoako Bertsolari Txapelketaren final-laurdenetako fasea, Andoaingo Bastero kultur gunean. Eñaut Martikorena nagusitu da saioan, 476 puntu lortuta, eta, horrenbestez, hark lortu du finalaurrekoetarako zuzenean sailkatzea. Arrasateko finalerdian kantatuko du, azaroaren 17an.
Horrela geratu dira saioko puntuazioak:
1. Eñaut Martikorena Lizaso..........476 puntu.
2. Iban Urdangarin Lardizabal.......467 puntu.
3. Unai Mendizabal Jauregi...........460,5 puntu.
4. Iñaki Apalategi Astigarraga........458,5 puntu.
5. Asier Azpiroz Iztueta..................458,5 puntu.
6. Beñat Iguaran Amondarain........447 puntu.
Bihar jokatuko da txapelketako hurrengo final-laurdena, Irungo Amaia kultur zentroan, 17:00etan hasita. Beste sei bertsolari ariko dira kantuan: Agin Laburu Rezola, Haritz Mujika Lasa, Beñat Lizaso Alberdi, Maider Arregi Markuleta, Unai Gaztelumendi Arandia eta Iñigo Izagirre Urteaga.
