Erresuma Batua

Bercowk ez du onartu Johnsonen itunaz gaur bozketarik egitea

Komunen Ganberako presidenteak argudiatu du testua herenegun eztabaidatu zutela, eta, hortaz, gaur ez dutela beste aukerarik izango horren inguruan bozkatzeko.

John Bercow Komunen Ganberako presidentea, gaur, erabakiaren berri ematen.
John Bercow Komunen Ganberako presidentea, gaur, erabakiaren berri ematen. EFE

Berria -

2019ko urriak 21

Komunen Ganberako diputatuek gaur ez dute aukerarik izango Boris Johnson Erresuma Batuko lehen ministroak Europako Batasunarekin (EB) adostu zuen akordioaren inguruko bozketarik egiteko. John Bercow ganberako presidenteak argudiatu du horretarako aukera izan zutela herenegun, eta, testu bera denez, gaur ez dutela horren inguruko bozketarik egingo: "Errepikakorra izango litzateke".

Iragan larunbatean, Johnsonek EBrekin adostu zuen ituna aurkeztu zuen parlamentuan, baina, hori aztertzeko denbora gutxi izan zutela argudiatuta, diputatuek akordioari buruzko bozketa atzeratzeko emendakina onartu zuten. Horren helburua zen, besteak beste, lehen ministroa behartzea hirugarren atzerapena eskatzera. Eta hark hala egin behar izan zuen, behartuta.

Komunen Ganberako presidenteak erabaki bera hartu zuen iragan martxoan, garai hartan lehen ministro zen Theresa Mayk EBrekin adostu zuen testua hirugarren aldiz bozkarazten saiatu zenean. Orduan ere argudio bera erabili zuen: ezin zela akordio bera behin eta berriz bozkarazi.

Gaur-gaurkoz, irteteko eguna urriaren 31 da oraindik ere, Europako Batzordeak jakinarazi baitu Erresuma Batuko asteotako gertakarien arabera hartuko duela erabakia. Ez dirudi, ordea, Johnsoni ezezkoa emango diotenik, agintarien egunotako adierazpenak kontuan hartuz gero.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jendea maskararekin, Hendaiako tren geltokian. / ©Guillaume Fauveau

Leku publiko itxietan maskara erabiltzea baitezpadakoa izanen da Ipar Euskal Herrian

Ekhi Erremundegi Beloki

Jean Castex Frantziako lehen ministroak adierazi du heldu den astetik aitzina sartuko dela indarrean neurria Frantzian eta Ipar Euskal Herrian. Frantzia iparraldean eta Paris ingurunean foku gehiago agertu dira azken asteetan.

Nekane Murga jarduneko Osasun sailburua agerraldi batean. ©David Aguilar

80 kasu gehiago agertu dira Hego Euskal Herrian

Andoni Rekondo Izagirre - Joxerra Senar

Azken 24 ordutan 58 kasu agertu dira Araban, Bizkaian eta Gipuzkoan, eta beste 22  Nafarroan. Beste pertsona bat hil da COVID-19aren ondorioz

Iruñeko Carlos III etorbidean, jendea maskara eramanez. Erabilera orokortzen ari bada ere, joera hori areagotzea bilatzen du administrazioak. / ©IÑIGO URIZ /FOKU

Kalean ere, maskararekin

Joxerra Senar

Maskara erabili behar da toki irekietan eta itxietan: gaurtik aurrera Araban, Bizkaian eta Gipuzkoan; bihartik Nafarroan. Hegoaldean, 80 kasu agertu dira, eta birusaren aurrean erne egotera dei egin dute.

Herritar bat maskara jantzita duela, artxiboko irudian. ©Luis Jauregialtzo, FOKU

Larunbatetik aitzinera maskara derrigorrezkoa izango da Trebiñun

Ainhoa Larretxea Agirre

Sei urtetik gorako herritarrek derrigorrez erabili beharko dute maskara leku ireki zein itxietan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna