Katalunia

Bizi mugimenduak Espainiako bandera "bahitu" du Espainiak Baionan duen kontsulatutik

Mugimenduak adierazi du Espainiak espetxeratu dituen Kataluniako buruzagi independentistak askatzen dituenean itzuliko duela bandera. Bitartean ongi zainduko duela hitzeman du.

Bizi Mugimendua/@bizi_mugi Tamaina handiagoan ikusi

Gorka Berasategi Otamendi -

2019ko urriak 25

Sare sozialen bidez eman dute abisua. Bizi mugimenduak Espainiako bandera "bahitu" du Espainiak Baionan duen kontsulatutik. Bandera 04:30 aldera erretiratu dute BAB etorbidean dagoen eraikinetik.

Kontsulatuko bandera Kataluniako buruzagi espetxeratuen argazkiekin batera ageri duen irudi bat zabaldu du Bizik. Argazkian, gaurko eguneko Le Monde egunkariaren ale bat ageri da banderaren gainean, eta, irudiaren erdian, Askatasuna preso politikoentzat leloa, katalanez idatzita.

Mugimenduak salatu egin du Espainiako Auzitegi Gorenak Kataluniako erreferendumaren auzian eman duen zigor epaia. Onartezintzat jo dute auzipetutako buruzagi independentistei bederatzi eta hamahiru urte arteko espetxe zigorrak ezarri izana "erreferendum herrikoi baten antolakuntzan parte hartzeagatik edo horren sostengatzeagatik, Kataluniako Parlamentuaren gehiengoaren nahiak errespetatuz".

Gaineratu dute ezin dela beste albo batera begiratu halako egoera batean. "Ezin dugu onartu 2019an, Europaren bihotzean, hautetsi errepublikano batzuk kartzelatuak izan daitezen beren biztanleriaren kontsulta bat antolatu dutelako, molde demokratiko eta ez-bortitzean. Isilik edo geldirik egoteak Historiaren aurrean horren konplize gisa utziko gintuzke".

Bizik nabarmendu du espetxeratutako bederatzi buruzagietatik sei Kataluniako Gobernuko kide kargugabetuak direla —horietatik bat lehendakariordea—, beste bat Kataluniako Parlamentuko presidentea eta gainerako biak bi gizarte elkartetako buruak; "denak ezagutuak beren engaiamendu errepublikano, demokratiko eta baketsuarentzat".

Kataluniaren autodeterminazio eskubidearen alde mintzatu da mugimendua. "Nehork edo ezerk ez du deretxoa populu oso bat bortxaz, mehatxuaz eta beldurraz hertsatzea. Katalan populuak behar du libreki eta demokratikoki bere geroari buruz erabakitzeko ahala ukan. 2017ko urriaren 1an erreferendum herrikoian parte hartu duten 2,3 milioi kataluniarrei ematen zaien erantzuna ezin da inondik ere beren ordezkarien edo bozeramaileen kartzelatzea izan". 

Biziren esanetan, negoziazioak eta erreferendumak konponduko ditu Kataluniako gatazka. Mugimenduaren iritziz, "elkarrizketaren eta hautetsontzien bideak gaina hartu behar die errepresio basatiari eta hark sortzen dituen frustrazioari eta bortizkeriei".

Mugik Espainiari adierazi dio espetxeratutako buruzagi independentistak askatu artean "bahitua" izango duela kontsulatuko bandera. Bitartean, "ongi tratatua" izango dela argitu du.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Raiundo Berri taberan izan zirenak PCR proba egiteko zain, Okendu kultur etxean gaur goizean. ©Gorka Rubio/FOKU

500 positibotik gora atzeman dituzte Hego Euskal Herrian

Berria

Atzo baino 119 kasu gehiago izan dira. Ospitaleratzeak areagotu egin dira azken orduetan.

Lasarte-Oriako klasururako konbentua itxita, gaur. ©Javier Etxezarreta / EFE

Lasarte-Oriako klausurako komentu bateko moja guztiek positibo eman dute

Berria

Hamar izan dira positiboak guztira. Alkateak adierazi du agerraldia kontrolpean dagoela.

Kutsatze kopuruen azken datuek gora egin dutela ikusita zientzialariak gaineratu du gaitzak “arazo bat” izaten jarraitzen duela. ©Gorka Rubio / FOKU

Bengoak uste du egoera «larria» dela

Aloña Beraza Peña

Ikuskaritza independente bat eskatu dute gertatu dena ikertzeko, egin diren hutsegiteak berriz ere egin ez daitezen, eta aurrera begira ikasteko.

PCR proba egiten gaur, Donostiako Okendo kultur etxean. ©Gorka Rubio/FOKU

Gasteizko Kilimanjaro diskotekan eta Xixilu jatetxean, eta Galdakaoko Muguru tabernan egon zirenei proba egiteko eskatu die Jaurlaritzak

Berria

Gasteizko diskotekan uztailaren 17tik abuztuaren 6ra izan zirenek egin beharko dute testa, eta uztailaren 31tik abuztuaren 4ra jatetxean egondakoek. Galdakaon, tabernan uztailaren 27tik abuztuaren 4ra egon zirenek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna