Zuberoako ikastolak laguntzeko kanpaina abiatu dute

 
Egitasmoaren antolatzaileak, Martin Ugalde Kultur Parkean
Egitasmoaren antolatzaileak, Martin Ugalde Kultur Parkean / Berria

Berria -

2019ko urriak 28

2003. urtetik, Zuberoako ikastolek Gabonetarako otarreak prestatzen dituzte lurraldeko ekoizpenekin. Iaz, 1.400 saldu zituzten, eta 15.000 euroko diru laguntza jaso zuten. Salmenta kanpaina azaroaren 1ean abiatuko dute, eta abenduaren 1ean bururatuko. www.ikaskoli.eus-en eros daitezke, eta horiek jasotzeko hainbat gune hauta daitezke webgunean.

Martin Ugalde Kultur Parkean (Andoain, Gipuzkoa) eginiko agerraldi batean, egitasmoaren antolatzaileek azpimarratu dute Ipar Euskal Herrian euskarak ez duela babes ofizialik, hizkuntza gutxiagotua dela, eta, Zuberoan, etxeko transmisioa eteten ari dela. "Hortaz, ikastolek dute euskararen transmisioa bermatzen". "Zuberoan ikastolak garatzen eta indartzen jarraitzeko Euskal Herri guztiko elkartasuna ezinbestekoa zaigu".

Egun, bi ikastola daude lurralde horretan: Alozen eta Sohütan. Aurrenekoan, 36 haur daude, eta bigarrengoan, 103; denak, haur eskolan eta lehen mailan. Ondoren, Larzabaleko kolegiora (Nafarroa Beherea) joan behar izaten dute, eta lizeoan jarraitu nahi dutenek, Baionara.

Gaur-gaurkoz murgiltze eredua hasi eta buka soilik Seaskak eskaintzen duela azpimarratu dute. "Seaskak eskaintzen duen eredua euskara berreskuratzeko bide eraginkor bakarra den heinean, ikastolen garapena lagundu behar da".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna