Albistea entzun

Jardunaldiak

Ekonomista euskaldunen lehen biltzarra egingo dute, azaroaren 14ean

Juan Jose Ibarretxe, Joseba Barandiaran, Maria Jose Aranguren eta Jule Goikoetxea izango dira hizlarien artean, Euskaltzaindiaren Donostiako egoitzan.

Biltzarraren aurkezpena, Donostian.
Biltzarraren aurkezpena, Donostian. Jon Urbe/ Foku

Iker Aranburu -

2019ko urriak 31

UEUren eta Ekonomisten Euskal Elkargoaren arteko lehen kolaborazioaren fruitua da Ekonomialari Euskaldunen I. Biltzarra. Ekonomista euskaldunen sarea sortu nahi dute bi erakunde horiek, "azken joera teorikoen berri izan eta pil-pileko gaiez modu kritikoen eztabaidatzeko", gaur Donostian azaldu dutenez.

Oskar Arantzabal UEUko Ekonomia sailburuak onartu du duela 25 urte saiatu zirela lehen topaketa egiten, baina, "masa kritikorik" ez zegoela eta, amore eman zuten. "Orain badago", esan du, eta horren seinale da biltzarrean parte hartzeko izen emateak  erritmo onean doazela eta eserlekuen erdia bete dutela jada. Izen emateko epea zabalik dago www.ueu.eus helbidean, azaroaren 11era arte. Doakoa da.

Lanbide erdalduna

Ekonomisten lanbidea "oso erdalduna" dela eta euskara oso gutxi erabiltzen dela ziurtatu du Imanol Urbieta Ekonomisten Euskal Elkargoko ordezkariak, baina egoera aldatzen ari dela. Erakunde horretan hamarretik seik badakite euskaraz, eta azken graduatu gehienak ere euskaldunak direnez, kopuruak gora egingo du hurrengo urteetan. Gauzak horrela, elkargoaren barruan Euskara Komunitatea sortzea erabaki dute, euskararen erabilera areagotu eta arlo horretan dabiltzan beste erakundeekin elkarlanean aritzeko.

Alde horretatik naturala izan da UEUrekin batera biltzarra antolatzea, Ane Sarasua UEUko idazkari nagusiak gogorarazi duenez, unibertsitateko adituak eta alorreko profesionalak "euskaratik eta euskaraz eraikitzeko" biltzen dituen erakundea baita haiena.

Hamar hizlari

Teoriaren munduan aritzen den jendearen eta enpresaren "mundu praktikoan" aritzen direnen arteko zubi lana egin nahi dute biltzarraren bitartez. Hamar hizlari izango dituzte entzungai, gehienak hogei minutukoak. Horrela, genero arrakala izango du hizketa gai Jule Goikoetxea EHUko irakasleak, lehiakortasuna eta ongizatea Orkestrako Maria Jose Arangurenek eta Amaia Zumeagak, robotizazioa Joseba Permachek (EHU), eta ekonomia zirkularra Aitor San Franciscok (Bilibin kooperatiba) eta Iñigo Ruiz de Apodakak (CAF).

Denbora gehiago izango du, berriz, Juan Jose Ibarretxe Eusko Jaurlaritzako lehendakari ohiak. K izenburua jarri dio bere hitzaldiari, ekonomia munduan kulturak —eta haren barruan hizkuntzak— duen pisua nabarmendu nahi duelako.

Bazkariaren ostean, Baleren Bakaikoa  Euskal pentsio sistema baterantz tailerra gidatuko du, eta Joseba Barandiaran Ekonomisten Euskal Elkargoko kideak Wikipedian ekonomiari buruzko artikuluak elikatzeko ikastaro praktiko bat emango du.

Bi urtean behin egin nahi dute biltzarra UEUk eta Ekonomisten Euskal Elkargoak. Hurrengoa, 2021ean, Bilbon.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Protesta bat Gipuzkoako Auzitegi Nagusiaren atarian ©Juan Carlos Ruiz (Foku)

Amiantoaren biktimek diote «premiazkoa» dela konpentsazio funtsa sortzea

Jokin Sagarzazu

Espainiako Kongresuak gaur aztertuko du Eusko Legebiltzarraren lege egitasmoa. Asviamiek gutun bat bidali die diputatuei, proiektua babesteko eskatuz.

Jose Luis Escriva Espainiako Gizarte Segurantzako ministroa. ©Victor Lerena / EFE

Espainiako Gobernuak pentsioetan murrizketak egiteko asmoa duela salatu du ELAk

Irune Lasa

Jose Luis Escriva ministroak atzo azaldu zituen pentsio sistemaren erreformarako ildo nagusiak. Urteko 12.000 eurorainoko saria eman nahi die legezko erretiro adina igaro eta lanean jarraitzen duten beharginei.

Egitasmoa aurkeztu zuten atzo, Azaro Fundazioaren Markina-Xemeinengo azpiegituran. ©BERRIA

Hidrogenoa sortzeko mintz erreaktorea proban dute Markina-Xemeinen

Irune Lasa

Tecnalia, Engie eta Eindhovengo Unibertsitatearen H2site 'start-up'-ak urte bukaeran mintzak fabrikatzeko lantegia zabalduko du Loiun

Aernnovako langileen protesta. Bilboko epaitegien aurrean, duela ia hilabete. ©ARITZ LOIOLA / FOKU

Hegazkingintza, auzitara

Imanol Magro Eizmendi

Sindikatuek Aernnovaren erregulazio espedienteari jarritako hiru helegiteak bat eginda epaituko dituzte gaur EAEko Auzitegi Nagusian. Epaileak 82 kaleratzeak balio gabe utz ditzala nahi dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna