Noiz sortua: 2019-11-02 20:48:53

Espainiako bozak

Madrilerako zazpigarren eserlekuaren bila doazela dio EAJk

Barakaldon (Bizkaia) egin dute kanpainako lehen mitin nagusia. Bertan, "fidatzeko moduko bakarrak" direla azpimarratu dute.

EAJren hautagaiak, Barakaldoko mitinean
EAJren hautagaiak, Barakaldoko mitinean endika portillo / Foku

Irati Urdalleta Lete -

2019ko azaroak 2

Madrilerako zazpigarren ordezkaria lortzea. Hori izan da Euzkadi Buru Batzarreko lehendakari Andoni Ortuzarrek Barakaldoko mitinean bildutako jeltzaleei bota dien erronka. Hura herritarrei aurkezteko ere baliatu du zita: «Jon Aiartza da, deriotarra, eta laugarrena da Bizkaiko zerrendan». Kanpainako bigarren egunean, Ortuzarrek ondoan izan ditu Amaia del Campo Barakaldoko alkatea, Aitor Esteban Bizkaiko zerrendaburua, Josune Gorospe Bizkaiko zerrendako hirugarrena eta Iñigo Urkullu Eusko Jaurlaritzako lehendakaria.

Estebanek esan duenez, euskaldunen botoa Madrilen «erabilgarria» izan dadin, EAJri eman behar zaio botoa: «Erakutsi dugu Euskadirentzat gauzak egin daitezkeela Madrildik ere». Horretarako, han ere «talde indartsua» edukitzea beharrezkoa dela azpimarratu du Urkulluk. «Euskadiren nortasuna defendatu, eta aurrera egiten jarraitu behar dugu». Estebanek nabarmendu du Madrilen aurrean autogobernua babestu behar dela, eta hori EAJk soilik egiten duela. «Alderdi espainiarrak zentralizazio gogoarekin datoz», ohartarazi du.

Alderdi horien asmoak ere aipatu dituzte. Urkulluk ziurtatu du ez dituztela «konpromisoak betetzen», eta hemen dagoena «okertzen» saiatzen direla. «Katalunia eta Euskadi mezu ezkorrak zabaltzeko soilik aipatzen dituzte», gaineratu du Estebanek.

Proposamen argiak

Madrilen lortzen dituzten ordezkariek zer egingo duten ere azaldu diete Barakaldon bildutakoei. «Programa, proposamenak eta konponbideak dauzkagu, Euskaditik eta Euskadirentzat egindakoak», ziurtatu du Estebanek. Geroago, Urkulluk zehaztu ditu zein diren ekintza horiek: Gernikako Estatutua erabat garatzea, ekonomia ituna defendatzea, industriari laguntzeko neurriak bultzatzea, AHTa, inbertsioak egitea... Gaineratu du hori dela «pertsonen zerbitzura dagoen politika eraginkorra egitea». Ortuzarrek proposamen horiek bete egingo dituztela ziurtatu du: «Guk agindutakoa betetzen dugu, baina ez dakigu besteek gauza bera esan dezaketen». Proposamen horiek betetzeko ez ezik, beste hainbat ideiari aurre egiteko ere baliatuko dituztela botoak ziurtatu du Estebanek: «Zuen botoa eskatzen dugu Riveraren oldarkortasunari eta Casadoren zentralizazioari aurre egiteko, baita Abascalen frankisten tolerantzia faltari eta fanatismoari ezetz esateko ere».

Hala ere, Ortuzarrek argi du abstentzioa dutela arerio nagusia: «Gure etsaia ez dira beste alderdiak, abstentzioa baizik». Horretarako, haserre edo zalantzan daudenei eskatu die gertatzen ari denaren aurka «protestatzeko», EAJ bozkatzeko eta inor etxean ez geratzeko. «Fidatzeko moduko bakarrak gu gara, herritarrei ez diegulako huts egiten, eta esandakoa betetzen dugulako», gaineratu du. «Urkulluk ere esan du abstentzioa «oso arriskutsua» dela, «Euskadi besteen esku» uztea delako; aldiz, parte hartzea «Euskadiren alde apustu egitea» dela ziurtatu du. «Azaroaren 10ean ezin gara nahastu eta ezin dugu hutsik egin. Asko daukagu jokoan».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

ENDIKA PORTILLO / FOKU ©Lehen arretako profesionalen protesta bat, iaz, Gasteizen.

Hildako bat eta 15 kutsatu gehiago izan dira, datu ofizialen arabera

Ane Eslava

Egoera «kontrolpean» dagoen arren, «zuhurtzia» eskatu du Nekane Murga Jaurlaritzaren Osasun sailburuak. Nafarroan ez da kasu berririk egon. Lehen arretako langileek protesta egin dute Bilbon.

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Osasun langileak lanean, Gurutzetako ospitalean. ©MARISOL RAMIREZ / FOKU

Auzitegi Nagusiak dio Osakidetzak ez zuela babes baliabide nahikoa

Ainhoa Larretxea Agirre - Irati Urdalleta Lete

Osakidetzak «ontzat» jo du ebazpena, «ez dituelako aintzat hartu sindikatuen eskaera gehienak». ESK sindikatuak jarri zuen salaketa, eta ekainaren 16an egin zuten epaiketa

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna