Migratzaileak

Bilboko portutik Erresuma Batura migratzaileak bidaltzen zituen talde bat desegin dute

Taldeak Bilboko eta Pasaiako portuak erabiltzen zituen. Poliziak 11 miaketa egin ditu, eta bederatzi lagun atxilotu dituzte; horietako hiru Eibarren.

Bilboko portua, artxiboko irudi batean.
Bilboko portua, artxiboko irudi batean. Luis Jauregialtzo

Berria -

2019ko azaroak 4

Erresuma Batuan ezkutuan migratzaileak sartzen zituen talde bat desegin du Guardia Zibilak. Bederatzi lagun atxilotu dituzte; tartean, hiru Eibarren (Gipuzkoa). Ikerketaren arabera, besteak beste, Bilboko eta Pasaiako portuak erabiltzen zituzten horretarako. Bilbokoa erakundearen ekintza eremu nagusia izango litzateke. Horiez gain, Vigokoa (Galizia) eta Santanderkoa (Espainia) ere erabiltzen zituzten, besteak beste. Poliziek hainbat etxe miatu zituzten atzo; besteak beste, Gipuzkoan eta Bizkaian. Europa Press albiste agentziaren arabera, bederatzi lagun atxilotu zituzten, ia guztiak albaniar jatorrikoak. Horietatik hiru Eibarren. Operazioa oraindik irekita dago.

Espainiako Barne Ministerioaren arabera, Bizkaiko itsasoko portuetatik Erresuma Batura migratzaileak bidaltzeaz arduratzen zen taldea. Bitan banatua legoke. Horietako bat, Bilbon, Barakaldon eta Sestaon ari zen lanean, eta Albaniatik iritsitako migratzaileei azpiegitura eskaintzeaz arduratuko litzateke, portuetatik gertu ezarritako kanpalekuetan.

Guardia Zibilak Frantziako eta Erresuma Batuko polizien eta Europolen laguntza izan du. Denera, 11 miaketa egin dituzte: besteak beste, Bilbon, Sestaon, Santurtzin, Bermeon eta Eibarren. Bederatzi atxilotu daude, zortzi albaniar jatorrikoak eta brasildar bat. Hainbat delitu egozten dizkiete horiei: atzerriko herritarren aurkako eskubideen aurkakoa, ondarearen aurkakoa, dokumentazio faltsutzea eta osasun publikoaren aurkako delitua, besteak beste. Migratzaileak kamioietan, kontainerretan eta ibilgailuen maletategietan ezkutatzen zituzten. "Bizitzarentzat eta osotasun fisikoarentzat oso arriskutsuak" diren moduak erabiliz ezkutatu ere, Barne Ministeriotik adierazi dutenez.

Operazioa 2018. urtean hasi zutela adierazi dute, Bilboko portuaren inguruan albaniar jatorriko jende kopuruak nabarmen gora egin ostean.

Azken urteetan nabarmen igo da Bilboko portura ezkutuan sartzen saiatu den jende kopurua, Erresuma Batura iristeko portu nagusietako bat bihurtu baita. Horri erantzunez, portua inguratzen duen hesia lau metro garai izateraino handitu zuten, eta, duela gutxi, estolderia sistema berritu dute. Izan ere, 2016an 433 intrusio egin ziren portu horretan, eta, handik urtebetera, 7.479. Iaz, berriz, 4.720.

Duela bi aste, 39 migratzaileren gorpuak aurkitu zituzten Essexen (Erresuma Batua), kamioi baten barruan. Horien jatorria oraindik ere zehazteko dago. Vietnamgo Gobernuak azaldu du, ordea, tartean herrialde hartako herritarrak egon daitezkeela. Herrialde hartako Poliziak zortzi lagun atxilotu ditu, kasuarekin lotura dutelakoan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna