Garraioa

Ordu erdi lehenago eskatu beharko da ibilgailu gidaridunen zerbitzua Araban, Bizkaian eta Gipuzkoan

Eusko Jaurlaritzak, taxi gidariek eta IG ibilgailu gidaridunen elkarteek dekretuz arautuko dute IGen jarduna. Urte amaierarako onartu nahi dute legea.

Bilboko taxi gidari talde bat Uber eta Cabify enpresen jardunaren kontra protestan, iazko uztailean, Bilboko aireportuan.
Bilboko taxi gidari talde bat Uber eta Cabify enpresen jardunaren kontra protestan, iazko uztailean, Bilboko aireportuan. Miguel Toña/EFE

Gorka Berasategi Otamendi -

2019ko azaroak 4 17:50

Uber enpresa Bilbon zerbitzu ematen hasi izanak ezinegona piztu du alderdi eta instituzioetan. Jardun hori arautzeko, Eusko Jaurlaritzak dekretua onartuko du urte amaierarako, eta, aurreratutakoaren arabera, egun Uber eskaintzen ari den zerbitzua ez da legezkoa izango dekretua indarrean sartzen denean. IG enpresa guztietako erabiltzaileek bidaia hasi baino gutxienez ordu erdi lehenago eskatu beharko dute zerbitzua. Horrez gain, IGek ezin izango dira kalean bueltaka ibili bezero bila. Taxiek izango dute soilik horretarako baimena.

Eusko Jaurlaritzak, taxi gidari elkarteek eta IG enpresek adostu dituzte dekretuaren oinarriak, hiru aldeek gaur egin duten bileran.

Uber joan den astean hasi zen Bilbon eta inguruetan zerbitzua eskaintzen. UberX izeneko aplikazioa erabiliz, aukera eskaintzen du Bizkaiko hiriburuan IG autoak alokatzeko. Taxi gidarien iritziz, eskaintza hori lehia bidegabea da. Iaz, greba eta liskar handiak izan ziren —Espainian eta Katalunian batez ere, baina baita Euskal Herrian ere— IG lizentziak erabiltzen dituzten ibilgailuen jarduera eta horien zerbitzuak eskaintzen dituzten plataforma digitalena arau zezatela eskatzeko.

Juan Galiardo Espainiako Uberreko zuzendariak azaldu duenez, Bilbon lanean hasi aurretik Eusko Jaurlaritzarekin eta Bilboko Udalarekin harremanetan jarri dira, "aritzen garen hiri guztietan beti egiten dugun moduan". Haren esanetan, lehenengo kontaktuak duela urtebete hasi ziren, eta hilabete hauetan guztietan harremanetan egon dira.

Bilboko Udalak bestelako bertsioa du: Mugikortasun zinegotzi Alfonso Gilek "gauez eta maltzurkeriaz" aritzea leporatu dio plataformari. Bezperan eta mezu elektroniko baten bidez jakinarazi zioten zerbitzua eskaintzen hasteko asmoa zutela.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Osakidetzako langileen protesta, Donosia ospitaleko sarreran. ©Jon Urbe / Foku

Langile publikoen soldata %0,9 igoko dute 2021ean

Iker Aranburu

Pentsioak ere hein horretan igotzeko asmoa du Espainiako Gobernuak, hori baita espero duen inflazioa.

Getxoko (Bizkaia) apaindegi bat, maiatzeko irudi batean ©Luis Jauregialtzo (Foku)

BEZa jaisteko eskatu dute ile apaindegiek

Jokin Sagarzazu

«Ezinbestekoa zerbitzu» bat direla argudiatu dute. Ohartarazi dute hamar establezimendutik sei ixteko arriskuan daudela, eta 25.000 lanpostu kolokan.

Bilboko portuko bi zamaketari Txinatik iritsitako errota eoliko kargamentu bat deskargatzeko lanetan. ©Iberdrola

Bilboko portuak jardunaren erdia galdu du zamaketarien grebaren eraginez

Imanol Magro Eizmendi

Bilbo Estibak emaniko datuen arabera, industriarako hornikuntza lanen %90 ez dira egin, piketeen ondorioz. Zamaketariek ezin izan dute greba egin gaur.

 ©BERRIA

Bezeroa: enperadore berria

Imanol Magro Eizmendi

Bezeroek langileen jarduna ebaluatzeko sistemak hedatzen ari dira. Telefono bidezko zerbitzuetan jaio ziren, eta dagoeneko denda fisiko askotan daude. Haien menpe daudenei presio handia eragiten die; adituek diotenez, zerbitzua hobetzeko baino gehiago kontrol erremintak direlako.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna