Noiz sortua: 2019-11-11 09:15:50

KRISIA EA-N

Epaileak behin-behinean eten du Eba Blancoren izendapena

EAko idazkari nagusiaren izendapena baliorik gabe utzi du, kautelazko neurri gisa, gaiaren muinaz erabaki bitartean. Zuzendaritzak helegite bat jarriko du.

Eba Blanco, urriaren 29an Gasteizen egin zuen agerraldian.
Eba Blanco, urriaren 29an Gasteizen egin zuen agerraldian. Juanan Ruiz / Foku

Jon O. Urain -

2019ko azaroak 11

Gasteizko Epaitegiak baliorik gabe utzi du, behin-behinean, Eba Blancoren izendapena, Eusko Alkartasuneko idazkari nagusi izatekoa. Alderdiko sektore kritikoak auzitara jo zuen, salatzeko ez dutela sarbiderik izan alderdiko erroldara, eta, beraz, desabantailaz aritu direla hauteskunde primarioetan. Joan den astean egin zuten auzi saioa, eta epaileak onartu du Blancoren izendapena behin-behinean etetea, auziaren muinera iritsi bitartean; alegia, ebatzi arte Maiorga Ramirez sektore kritikoko hautagaiaren parte hartze politikorako eskubidea urratu den edo ez.

Zehazki, epaileak nabarmendu du EAko Nazio Batzarrak eta zuzendaritzako zenbait kidek ez dituztela bete EAko Berme Batzordeak emandako azken ebazpenak, eta, beraz, litekeena dela parte hartze politikorako eskubidea urratu izana. Hala gertatu izanaren zantzuak antzemanda, epaileak azaldu du eskatutako kautelazko neurria onartzea dagokiola, urraketa horren eragina luzatu ez dadin.

Auziak, erroldaren sarbideari buruzkoa izateaz gain, primarioen emaitzari eragiten dio: Eba Blanco EAko idazkari nagusi izendatu izanari. Joan den asteko saioan, Blancoren izendapena behin-behinean etetearen aurka agertu zen fiskala. Ildo kritikoak eskatu zuen Blancoren izendapena bertan behera uzteko auziaren mamiari buruzko erabaki bat hartu arte.

Zehazki, lau kidek jo zuten auzitara: Maiorga Ramirez ildo kritikoko hautagaiak, Mikel Goenaga Gipuzkoako koordinatzaileak, Iratxe Lopez de Aberasturi Arabako koordinatzaileak eta Miren Aranoa Nafarroako koordinatzaileak. Haien abokatuak azaldu zuen alderdiko Berme Batzordearen ebazpenak "onartu" egin behar direla, eta ez dela horrela gertatu primarioen prozesuan. Ramirezek ez beste hirurek espedientea zabalik dute alderdi barruan.

Ramirez, pozik

Sektore kritikoko iturriek zabaldu dutenez, Ramirez pozik agertu da epaileak kautelaz hartutako neurriarekin, eta uste du erabakiak "erraztu" egingo duela "EAren krisi demokratikori irtenbide azkar bat" ematea. Ebazpena eskuan, Ramirezek berretsi egin du azken egunetan eginiko proposamena: hauteskunde primarioen prozesua berriro zabaltzea, azaroaren 24rako bozketa egin dezaten: "Urrezko aukera baten aurrean gaude berehala hauteskunde prozesu garden bat martxan jartzeko, ilusioa piztuko diena afiliatu guztiei".

EAko zuzendaritzak jakinarazi du helegite bat aurkeztuko duela erabakiaren aurka, eta alderdiko "organoak eta afiliatuen eskubideak" babestuko dituela: "Urte eta erdiz saiatu gara alderdi barruan hitz egiten eta negoziatzen epaitegietara joan gabe, ulertzen baitugu ezberdintasun politikoak alderdi barruan ebazten direla". Halaber, adierazi du "lau afiliatuk ezgaitu" dutela "idazkaritza nagusi bat izendatzeko aukera".

Albiste gehiago

Martxoaren 28an eguneratua, 14:00etan. ©BERRIA

Koronabirusaren azken datuak

Berria

Euskal Herrian 6.987 gaixok eman dute positibo koronabirusaren proba eginda, administrazioen arabera. 312 hil dira. COVID-19 gaitza izandako 988 pertsonari eman diete alta. Grafikoak, albiste barruan.

Fruta saltzailea bat, Donostian. / ©Gorka Rubio, Foku

Etzi lan jarduera etengo dute Hego Euskal Herrian, bi asterako

Berria

"Ordainpeko baimen berreskuragarria" ematea erabaki du Madrilek. Zortzi egunez luzatuko da, apirilaren 9ra arte, Aste Santura arte, eta langileek berreskuratu egin beharko dituzte orduak

Pedro Sanchez, gaurko agerraldian, Moncloan. ©EFE

Espainiako Gobernuak eten egingo ditu funtsezkoak ez diren jarduera guztiak

Andoni Imaz

Sanchezek iragarri du funtsezkoak ez diren lanetan aritzen diren langileek etxean geratu beharko dutela martxoaren 30etik apirilaren 9ra. Ohiko soldata jasoko dute, eta lanorduak gero egingo dituzte, «mailaka». Komunikabideak funtsezkotzat jo ditu Sanchezek.

Nekazaritza da itxialditik salbuetsitako funtsezko jardueretako bat. ©IÑIGO URIZ / FOKU

Zeintzuk dira «funtsezko jarduerak»?

Ion Orzaiz

Elikagaien ekoizpenak, lehengaien garraioak, hedabideek eta osasun zerbitzuek orain arte bezala segituko dute apirilaren 9ra arte.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna