Albistea entzun

Bolivia

Mexikora iritsi da Evo Morales

Mexikoko hegazkin ofizial batean eraman dute Boliviako presidente ohia, eta geldialdi bat egin behar izan dute Paraguain.

Evo Morales Mexikoko banderarekin hegazkin ofizialean, gaur goizaldean.
Evo Morales Mexikoko banderarekin hegazkin ofizialean, gaur goizaldean. EFE

Paulo Ostolaza -

2019ko azaroak 12

Arratsaldeko 18:15 aldera lurreratu da hegazkina Mexiko Hirian. Nazioarteko aireportuko hangar batera eraman dute presidente ohiaren hegazkina, haren bizia arriskuan dagoela aintzat hartuta. Andres Manuel Lopez Obrador presidentearen gobernuak «arrazoi humanitarioak» argudiatuta eman dio asiloa buruzagi indigenari. Moraselek, zentzu horretan, eskerrak eman dizkio babesa eman dion presidenteari «bizia salbatzeagatik». Zeharkaldia ez da erraza izan.

Marcelo Ebrard Mexikoko Atzerri ministroak gaur goizaldean baieztatu du Morales hegazkinean zela jada, Mexikora «modu seguruan» bidaia zezan. Mexikoko armadaren hegazkinak hainbat orduko geldialdi bat egin du Paraguain, erregaiz hornitzeko eta Brasildik, Perutik eta Ekuadortik igarotzeko baimenak eskuratzeko. Boliviako presidente ohiak Twitter bidez iragarri du Mexikora bidean dela:

«Arrebak eta anaiak, Mexikorako bidea hartu dut, gure bizitza zaintzeko herri senide horrek eskaini didan asiloa onartuz eta eskertuz. Min ematen dit herrialdea arrazoi politikoengatik utzi beharrak, baina beti egongo naiz adi. Laster itzuliko naiz indar eta energia gehiagorekin»

Carlos Mesa oposizioko liderrari, azken 21 egunetako protesten lider Luis Fernando Camachori eta Poliziari egotzi die berriz ere azken asteburuan «mahaian emandako kolpea», gaua nola igaro duen erakusten zuen argazki batez lagunduta. Halaber, Moralesek salatu du bere bi etxeri eraso dietela, eta hainbat telebista katek zabaldu dituzte arpilatzearen ostean grabatutako etxearen irudiak.

Mexikoko gobernuak adierazi duenez, baliteke asiloaz gain errefuxiatu egoera aitortzea Moralesi. Presidente ohiak eskaera egiten badu, ziurtatuko du ez dutela itzuliko Boliviara, eta 45 eguneko epea izango luke Mexikok eskaera onartu edo ukatzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Errusiaren ontzi militar bat, Barents itsasoan. ©ERRUSIAKO GOBERNUA / EFE

Artikoko oreka, atakan

Gorka Berasategi Otamendi

Ukrainako gerrak arriskuan jarri du ipar polotik gertuen dauden estatuen arteko elkarlana. Errusia NATOko kidez inguratuta geldituko da bere muga luzeenean
Suediako lehen ministro Magdalena Andersson, atzo, parlamentuak herrialdea NATOn sartzeko eskatzea onetsi osteko agerraldian. ©HENRIK MONTGOMERY / EFE

Suedia, NATOn sartzeko eskaera egitear, parlamentuak berretsita

Mikel O. Iribar

Lehen ministroak adierazi du Suediak ez duela nahi aliantzaren base militar iraunkorrik herrialdean. Stockholmek esan du eskaera Finlandiarekin batera bidaltzeko asmoa duela
Boris Johnsonen aurkako protesta bat egin zuten, atzo, Belfasten bilerak egin zituzten eraikinaren atarian. ©M. MARLOW / EFE

Johnson prest dago protokoloa ez betetzeko, DUPen blokeoa dela eta

Igor Susaeta

Erresuma Batuak lege bat onartu nahi du, itunean aldaketak egiteko. Ipar Irlandako unionistek begi onez hartu dute Londresen erabakia. Sinn Feinen iritziz, DUP «baretzea» du asmo mugimenduak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...