Albistea entzun

KPI-a

Inflazioak maila txikian jarraitzen du, %0,5ean

Jantziak eta oinetakoak asko garestitu ziren urrian, eta argindarraren prezioak ere gora egin zuen.

Jantzi denda bat, Laudion.
Jantzi denda bat, Laudion. Endika Portillo / Foku

Iker Aranburu -

2019ko azaroak 14

Irailetik urrira ez du aldaketarik izan KPI kontsumo prezioen indizeak Hego Euskal Herrian. Urte arteko tasan %0,5ean jarraitzen du: tasarik txikiena 2018ko urtarrilaz geroztik. 

Urria, berez, nahiko hilabete inflazionista izan ohi da, eta aurtengoa ez da salbuespena izan. Prezioak urrian baino %1 handiagoak dira orain —aurreko bi urteetako igoera bera—. Aldaketa nagusia jantzietan eta oinetakoetan iritsi da, udazken eta negu sasoietako produktuak dendetan daudela. Horrela, Nafarroan %8 garestitu dira, eta %13,1 Araban, Bizkaian eta Gipuzkoan.

Halaber garestitu dira elikagaiak: %1 Nafarroan, eta %1,8 Hegoaldeko beste hiru lurraldeetan. INEk nabarmendu duenez, fruituen prezioa handitu egin da, eta barazkienak ez du aldaketarik izan.

Argindarra izan da urriko prezio igoeraren beste arrazoi bat, nahiz eta urte arteko tasan jaitsierak handiak izaten ari diren, iaz baino merkeago baitago.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Zamaketariak eta portuko beste langileak Baionako portua blokeatzen, atzo, Tarnosen. ©PATXI BELTZAIZ

Erretreten erreformaren aurkakoek Baionako portua blokeatu dute

Iker Aranburu

Erretreta gibelatzeko proiektuari buruzko eztabaida astelehenean hasiko da Frantziako Asanblean

LABek  elkarretaratzea egin zuen azaroan, Adegiren egoitzaren atarian. ©Jon Urbe / Foku

Lehen bilera Gipuzkoako metalgintzan

Irune Lasa

Sindikatuek langileen erosahalmena bermatzeko adinako soldata igoerak nahi dituzte.

Urteko azken hiruhilekoan 9.000 lanpostu galdu dira Hego Euskal Herrian

Urteko azken hiruhilekoan 9.000 lanpostu galdu dira Hego Euskal Herrian

Jokin Sagarzazu

Bereziki zerbitzuen sektorean nabaritu da: 22.700 langile gutxiago daude. Industriak eta eraikuntzak eutsi egin diote, eta enplegua sortzen jarraitu dute.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.