Albistea entzun

Makroekonomia

Alemaniak izkin egin dio atzeraldiari

Urteko hirugarren hiruhilekoan %0,1 hazi da, familien eta erakunde publikoen gastuak industriaren pattalaldia konpentsatu baitu. Eurogunean, BPGa %0,2 handitu da.

Porscheren auto fabrika, Stuttgart hirian.
Porscheren auto fabrika, Stuttgart hirian. Roland Wittek

Iker Aranburu -

2019ko azaroak 14 10:05

Huts egin dute Alemania atzeraldi teknikoan sartuko zela zioten iragarpenek. Apiriletik ekainera %0,2 uzkurtu ondoren —%0,1eko tasa negatiboa berrikusi dute—, uztailetik irailera ere barne produktu gordina txikituko zela uste zuten adituek, eta hala gertatuko zela iragarri zuen Bundesbankek.

Ez da, ordea, halakorik gertatu, nahiz eta Peter Altmaier Ekonomia ministroak onartu duen hazkunde datuak oraindik "oso ahulak" direla. Horrela, urte arteko tasan %0,5eko tasan ari da hazten Alemania. Aurreko hiruhilekoan baino bi hamarren gehiago da, baina oso urrun dago iazko %1,5etik. Europako Batzordeak %0,4ko hazkundea espero du aurten Alemaniarentzat, joan den astean kaleratutako Udazkeneko Aurreikuspenen arabera.

Industriaren bizkar dago Alemaniako ekonomiaren motelaldia. Izan ere, brexit-ak eta Donald Trumpek bultzatutako merkataritza gerrek Alemaniako produktuen nazioarteko eskaria txikitu dute. Beste faktore bat autogintzaren estutasunak dira. Gas isurketei buruzko araudi gogorragoek eta industriaren elektrifikazio prozesu geldo baina atzeraezinak egokitzapen beharrean harrapatu du Alemaniako auto industria boteretsua.

Edonola ere, okerrena igaro dela iradokitzen dute udako datuek: esportazioak iaz baino %4,6 handiagoak izan dira. 

Uztailetik irailera arteko tasa positiboaren arrazoi nagusia, ordea, kontsumoan dago. Langabezia txikia dago Alemanian, %3 ingurukoa, eta horrek lagundu egiten dio familien kontsumoari. Erakunde publikoek ere gastua handitu dute udan, eta eraikuntzak ez du sasoi txarra izan.

Eurogunean, %0,2

Atzeraldirik ez dago, oraingoz, eurogunean. Eurostatek gaur baieztatutako datuen arabera, uztailetik irailera %0,2 handitu da BPGa hiruhileko arteko tasan, apiriletik ekainera bezainbeste. Urte arteko tasaren hazkundea, berriz, %1,2koa da, Europako Batzordeak urte osorako espero duen baino hamarren bat gehiago. Europako Batasun osoan, berriz, hamarren bat handiagoa da hazkundea, %0,3koa hiruhilekokoa, eta %1,3koa urte artekoa.

Hazkunde datu positiboa dute herrialde guztiek. Oso txikia batzuek —Alemania ez ezik, Italia, Liatuania eta Austria ere %0,1 hazi dira—, eta sendoagoa beste batzuek: Polonia %1,3 hazi da, Hungaria %1,1, Bulgaria, Letonia eta Zipre %0,7...

Barne produktu gordinarekin batera hazten ari da enplegua ere. 2019ko hirugarren hiruhilekoan lana dutenen kopuruak %0,1 egin du gora eurogunean eta EBn. Urtebete lehenago baino %1 gehiago dira eurogunean, eta %0,9 EB osoan. Lurraldeen araberako datu xehaturik ez du eman Eurostatek.

 

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Glovoko langileen manifestazio bat. ©ATIENZA / EFE

Glovoren langileen aldeko ebazpena eman du Bilboko epaile batek

Xabier Martin

Justiziak banaketa plataformen auzian finkatu duen norabideko epaia da: Glovoren langileak soldatapeko behar dute eta ez autonomo.

Zabor edukiontziak, Gipuzkoako herri batean ©Luis Jauregialtzo (Foku)

Gipuzkoako kale garbiketaren lan hitzarmena sinatu dute

Jokin Sagarzazu

KPItik gorako soldata igoerak eta txanda kontratuak adostu dituzte, besteak beste. Sektore bereko beste itun batzuk berritzeko bidea zabal dezake.

Arrantzontzi bat. ©Gorka Rubio / FOKU

Arrantzale frantsesek Jerseyko portu nagusia blokeatu dute zenbait orduz

Irune Lasa

Haserre daude uharte anglo-normandiarrak 'brexit'-aren ostean ezarritako baldintzekin. Erresuma Batuak bi gerraontzi bidali ditu

ITP Castingetik kaleratu nahi zituzten langileek atzo erre egin zituzten enpresak urtarrilean bidali zizkien kaleratze gutunak. ©MONIKA DEL VALLE / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna