Albistea entzun

Zentsura

Iruñeko Udalak bertan behera utzi du Pirritx, Porrotx eta Marimototsen ikuskizun bat

Azaroaren 29rako Baluarten egin behar zuten emanaldia maiatzetik hitzartua zuten.

'Bizi dantza' ikuskizuna, Eskoriatzan
'Bizi dantza' ikuskizuna, Eskoriatzan Aritz Loiola / Foku

Iosu Alberdi -

2019ko azaroak 14 13:24

Iruñeko Udalak bertan behera utzi du Pirritx, Porrotx eta Marimototsek azaroaren 29an Baluarten eskaini behar zuten Bizi dantza ikuskizuna. Maiatzetik hitzartua zuten emanaldia aurreko udal gobernuarekin, baina UPNren gobernu berriak atzera bota du antzezlana. Mertxe Rodriguezek, Marimotots-ek, adierazi du ez dietela oraindik arrazoirik eman; "paperen bat falta" dela besterik ez. Rodriguezek gehitu du aurretik ez dutela halako eskakizunik bete behar izan. Pailazoek astelehenean prentsaurreko bat egingo dute Iruñeko Katakrak liburu dendan, 17:30ean. Iñigo Sancho abokatuarekin batera agertuko dira gertatutako guztiaren xehetasunak azaltzeko. Nafarroako arartekoarekin ere hitz egin dutela adierazi dute.

Euren aurkako erabakiaz gain, prentsaurrekoan beste hainbat gai ere tratatuko dituztela azaldu du Joxe Mari Agirretxek, Porrotx-ek, ETB1eko Ahoz Aho saioan, tartean Iruñeko Udalak euskarazko Twitter kontua itxi izana. Agirretxek gehitu du alkatearentzat "opari bat" prestatu dutela: "Koloretako betaurrekoak, koloretako mundua ikusteko".

Ez da UPNk pailazoen aurka egiten duen lehen aldia. 2017. urtean, Iruñeko Udalak —EH Bildu zegoen agintean— hirukoteari Baluarte auditoriuma "doan" uztea salatu zuen alderdiak: "Fabore tratua da hori, hirian tradizio handia duten ekitaldiek jasotzen dutenarekin alderatuta; besteak beste, Bildu alkatetzara iritsi zenetik boikotatu nahi duen Corpusen ospakizuna". UPNk "Batasunaren pailazoak" direla adierazi zuen ohar hartan. Bilboko Udalak ere betoa ezarri zien Pirritx eta Porrotxi, Iñaki Azkuna alkate zela. Haien "ibilbide politikoa" jarri zuen aitzakiatzat. PPk egin zuen orduan pailazo horien ikuskizunak debekatzeko eskaria.

Atzera egin behar da Pirritx eta Porrotxen emanaldien aurkako erabakien jatorrira joateko. Pailazo taldeko kide bat zinegotzi zen Lasarte-Orian (Gipuzkoa); ETAk hango zinegotzi bat hil zuenean, ez zuen ekintza gaitzetsi, eta hortik aurrera hasi ziren pailazo taldearen emanaldiak bertan behera uzten PPk eta PSOEk alkatetzak zituzten herrietan. Beren jardun pertsonala eta artistikoa nahasi izana gaitzetsi zuten taldekideek. Pailazoen aldeko babes mugimendu bat ere jarri zen martxan.

'Bizi dantza'

Hirukoteak aurkeztu berri du bere azken antzezlana: Bizi dantza. Eskoriatzan (Gipuzkoa) egin zuten lehen saioa azaroaren 9an, eta bigarrena Asteasun (Gipuzkoa), egun bat geroago. Proiektu hau, aurrekoak bezala, talde lana izan da, eta pailazoekin elkarlanean aritu dira, besteak beste, Vanesa Castaño eta Jon Maia dantzariak eta Leire Bilbao idazlea —azken horrek sortu ditu doinuen hitzak, pailazo taldearekin elkarlanean—. Maite Mutuberria ilustratzailea eta Xabier Zabala musikaria ere izan dituzte bidelagun. Ikuskizuna soilik ez, izen bereko diskoa ere argitaratu dute, hamahiru abesti eta hamahiru kantukonturekin.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Miravalles-Redin ikastetxe, Iruñean. ©IÑIGO URIZ / FOKU

Nafarroak batxilergoko ituna eten die ikasleak sexuaren arabera bereizten dituzten ikastetxeei

Ion Orzaiz

Hezkuntza Departamentuaren esanetan, Opus Deiren bi eskolek, Miravalles-Redinek eta Irabia-Izagak, «ez dituzte betetzen itunerako baldintzak»

Arkaitzerrekako kutsadura salatzeko protesta martxa bat. ©Jon Urbe / Foku

Zubietako erraustegiko kutsaduraren auzian delitua egin duten ikertzen hasi da epaitegi bat

Iñaki Petxarroman

GuraSOSek ohar baten bidez jakinarazi duenez, fiskaltzaren idatzi bat aintzat hartu du Donostiako 5. Instrukzio Epaitegiak zigor diligentziak hasteko.

Nafarroako Sindikatu Medikoko ordezkariak, gaurko agerraldian. ©IÑAKI PORTO / EFE

«Lan gainkarga» arintzeko galdegin du Sindikatu Medikoak, greba bertan behera uzteko baldintza gisa

Ion Orzaiz

Salatu dute Osasunbideak aurkeztutako proposamenak ez direla «nahikoak, ezta berehalakoak ere»

Julen Portillo, eskuinean, Joseba Argiñano sukaldaria ondoan duela, ETB1eko Sukalerria saioan. ©Julen Portillo

Euskara, sormenerako harribitxia eta aukera

June Romatet Ibarguren - Gipuzkoako Hitza

Sortzaile gazteak dira Julen Portillo zarauztarra, Andrea Gonzalez bergararra eta Maddi Etxeberria andoaindarra. Internet bihurtu dute euren gotorleku, eta han biluzten dute barrua, eguneroko kontuak bideo labur bihurtuta. Hasieratik argi eduki zuten hirurek: euskaraz sortuko zituzten edukiak. Bidea egiten ari dira.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...