Albistea entzun

Kontu publikoak

Araba, Bizkai eta Gipuzkoako ogasunek %2,4 gehiago bildu dute urrira arte

Hiru ogasunen bilketa 299 milioi euro handiagoa da 2018ko epe berean baino, eta dagoeneko 12.744 milioira iritsi da.

Finantzen Euskal Kontseiluaren azken bilera, Gastezen.
Finantzen Euskal Kontseiluaren azken bilera, Gastezen. ENDIKA PORTILLO / FOKU

Xabier Martin -

2019ko azaroak 15

Finantzen Euskal Kontseiluaren helburutik ez dago urrun ogasunek egindako bilketa urrira arte; izan ere, 2019rako %2,7ko igoera aurreikusi du organo horrek, 15.386 milioi euro guztira. Arabak gaur bertan eman ditu jakitera urriko datuak, eta Bizkaiak eta Gipuzkoak emandako informazioa osatu du: urteko lehen hamar hilabeteetan %2,4 hazi da bilketa (299 milioi euro), 12.744 milioi aurora arte.

Lurraldeka, Bizkaian igo da gehien bilketa, %2,8 hazi baita, 7.096,9 milioi eurora arte;  Gipuzkoan ere gora egin dute ogasunaren sarrerek, %2,8ko helburu orokorraren azpitik, baina ez urrun, %2,2 hazi baita (3.800 milioi euro); eta Araban, berriz, apalago dabil, baina hazten: %1,2 igo da, 1.848 milioi eurora arte.

Errenta zerga gora, sozietate zerga behera

Lan errentek egin diote berriro ekarpen handiena bilketari, eta urrira arte gehien hazi den atala hori izan da, hiru lurraldeetan gainera. BEZaren bilketak ere gora egin du, kontsumoak gora egin duelako seinale, ogasunen arabera. Behera doana sozietate zerga da, eta joera hori ere hiru lurraldeetan islatu da urteko lehen hamar hilabeteetan. Bizkaian -%9,3 izan da enpresen irabaziak zergapetzen duen tarifaren bilketaren eboluzioa; Gipuzkoan -%2,1koa izan da; eta Araban -%5,9.

Sozietate zergaren ekarpena gero eta txikiagoa  da, beraz, eta gero eta handiagoa errenta zergarena, soldatapekoek pagatzen dutena. Bizkaian %4,3 egin du gora PFEZak, eta horren barruan %5,6 igo da lan errenten ekarpena. Gipuzkoan %5,9 egin du gora kontzeptu horren bilketa, eta PFEZ osoarena %3,7. Araban, aldiz, -%1,6 izan da PFEZaren bilketaren emaitza, urrira arte betiere. Amatasun eta aitatasun prestazioen itzulketak eragin du jaitsiera hori, baina lan errentei dagokien ekarpen zehatzak %4,9 igo da 2018ko epe berarekin alderatuta.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Mondragon korporazioaren, Laboral Kutxaren eta Ikerlanen egoitzak, Arrasaten. ©MONDRAGON

Ulma eta Orona, Arrasatetik urrutiratzen

Aitor Biain

Mondragonetik atera, eta korporazioarekin harreman eredu berri bat izateko proposamena egin dute Ulmak eta Oronak. Ereduen talkak eragin du bide propioa abiatu nahi izatea. Abenduaren 16an erabakiko dute bazkideek.

Koordinazio batzordearen bileraren hasiera, atzo, Iruñean, Nafarroako Jauregian. ©IÑIGO URIZ / FOKU

Madrilek eta Iruñeak 431 milioiko ekarpen garbia itundu dute 2020rako

Joxerra Senar

Metodologia zehaztuta, Nafarroak lehen bi urteetan gehiago pagatu zuenez, estatuak 138 milioi euro itzuliko dizkio. Aurtengo ekarpenari dagokionez, doikuntzak eginda «aldekoa» izatea espero dute

Liberiako petroliontzi bat Gdanskeko portuan, artxiboko irudi batean. ©ADAM WARZAWA / EFE
Tubacexeko langileen protesta, 2021eko otsailaren 23an, Laudioko lantegiaren aurrean. ©LAB

Espetxe zigorrak eskatu dituzte Tubacexeko hiru grebalariren aurka

Berria

Iazko otsailaren 23an atxilotu zituen Ertzaintzak, enpresaren atarian. Isunak ere eskatzen dituzte haien aurka

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.