Albistea entzun

Tortura

Nekane Txapartegi estraditatzeko eskari berri bat bidali dio Espainiak Suitzari

Espainiako Auzitegi Nagusiak Txapartegiri ireki zion auzi berri batekin lotu dute eskaria. Bihar elkarretaratzea egingo du Free Nekane plataformak, Bernako epaitegien aurrean.

Free Nekane Tamaina handiagoan ikusi

Berria -

2019ko azaroak 17 10:02

Espainiak Nekane Txapartegiren kontra aurkeztu duen estradizio eskaria salatzeko, 150 lagun inguru mobilizatu ziren atzo Zurichen (Suitza), Txapartegi bizi den hirian. Free Nekane plataformak jakinarazi duenez, astelehenean elkarretaratzea egingo dute Bernako epaitegien aurrean, 12:00etatik 14:00etara, Suitzako Justiziari eskatzeko baztertu dezala Txapartegiren kontrako estradizio eskaria.

Joan den maiatzean, Bernako auzitegi batera joan behar izan zuen Txapartegik, Espainiako Auzitegi Nazionalak irekitako auzi batengatik deklaratzera: Europan barrena ibiltzeko dokumentazio faltsua erabili izana egotzi zioten. Txapartegik uko egin zion deklaratzeari, eta Free Nekane taldeak orduan aurreratu zuen Espainiak estradizio eskari bat aurkezteko asmoa zuela.

Olivier Peter Txapartegiren abokatuak eman du estradizio eskariaren berri, bere Twitter kontuan. "Nekane Txapartegi Guardia Zibilak torturatutako eta Zurichen errefuxiatutako militante euskal herritarraren kontrako estradizio eskari berri bat bidali du Espainiak. Jazarpen politikoa, bidegabeko prozedura eta torturapean lortutako frogak: Suitzak ez du konplize izan behar".

18/98 sumarioan epaitu eta zigortu zuten Txapartegi (2009), eta sei urte eta bederatzi hilabeteko zigorra ezarri zion Espainiako Auzitegi Nazionalak. Atxilotzean (1999) torturatu egin zutela salatu zuen Txapartegik. 2016ko apirilean, Suitzan atzeman, eta preso sartu zuten; 2017ko irailean utzi zuten aske. Espainiako Auzitegi Nazionalak preskribatutzat eman zuen hari egotzitako delitua, eta bertan behera gelditu zen haren kontrako estradizioa. Asilorik ez dio eman Suitzak, ordea. Dokumentazio faltsua erabiltzea leporatzen diote orain, eta Free Nekane taldeak gogora ekarri du «berriz ere atxilotua eta torturatua izateko mehatxuagatik» joan behar izan zuela Espainiako Estatutik.

Elkartasun taldeak zehaztu du Suitzako Auzitegi Gorenak eta Auzitegi Administratibo Federalak «sinesgarritzat» jo zituela Txapartegiren tortura salaketak. Espainiak haren lehen auzia preskribatutzat jotzean, horixe erabili zuen argudio gisa Suitzako Auzitegi Administratibo Federalak Txapartegiren asilo eskaria ez onartzeko. Hain zuzen, arrazoitu zuen dagoeneko ez zuela «jazarpenerako arriskurik». Free Nekane plataforma Bernako Auzitegiaren aurrean elkartuko da astelehen eguerdian, estradizio eskaeraren aurka.

Bilgune Feministaren babesa ere Jaso du Txapartegik. «Tortura sexista emakumeonganako indarkeriaren beste adierazpen bat» dela salatu du talde feministak, eta nabarmendu du «patriarkatuaren oinarri den sexu bereizkeria iraunaraztera eta indartzera bideratutako indarkeria» dela hori ere.

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Nikolas Blain eta Anita Lopepe, Baionan egin duten agerraldian ©Bob Edme

Eskaintza politiko berri bat eratu nahi du EH Baik

Ekhi Erremundegi Beloki

Lehen kongresua eginen du azaroaren 26an. Txosten politikoa eta organizatiboa eztabaidatzen hasiko da ondoko egunetan

Frantziako armadan sartzera deitzeko publizitate bat, Baionako autobus geltoki batean. ©GUILLAUME FAUVEAU

Egun bat Frantziako armadan, nahi eta nahi ez

Oihana Teyseyre Koskarat

Iparraldeko 16 eta 25 urteko gazte guziak behartuak dira Frantziako armadarekin edo Jendarmeriarekin egun bat pasatzera. Euskaldunen kontrako diskriminazioa pairatu dute anitzek, «propaganda» egunean.

Miren Etxebeste eta Victor Lana, Donostian. ©Ahal Dugu.

Miren Etxebestek iragarri du aurkeztuko dela Gipuzkoako Ahal Dugu-ren hautagai izateko primarioetan

Uxue Rey Gorraiz

 Donostiako alkategai izateko, Victor Lasak ere aurkeztu du hautagaitza.

Pello Otxandiano, atzo, Donostian. ©ARITZ LOIOLA / FOKU

Egiturazko neurriak sustatzeko hitzarmen bat proposatu du EH Bilduk

Iosu Alberdi

Ongizate Hitzarmenak hamar neurri jaso ditu: bost «ongizatearen oinarri materialak bermatzeko», eta beste horrenbeste aberastasuna banatzeko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...