Enplegua

Azaroan 1.006 langabe gutxiago zenbatu dituzte Hego Euskal Herrian

Herrialde guztietan egin du behera langabeen kopuruak, Nafarroan izan ezik, non urrian baino 558 langabe gehiago dauden. Orotara, langabezian 146.193 pertsona daude oraindik Hegoaldean.

Langile bat Vicrilaren lantegian. Artxiboko irudia.
Langile bat Vicrilaren lantegian. Artxiboko irudia. Luis Jauregialtzo / FOKU

Irune Lasa -

2019ko abenduak 3

Azaroa hilabete mesedegarria izan ohi da langabeziaren eta enpleguaren datuentzat, eta aurtengoan ere hala izan da: urriarekin alderatuta, langabeen kopurua apaldu egin da Hego Euskal herrian, 1.006 langabe gutxiago baitaude; Gizarte Segurantzako afiliazioa igo egin da, 1.494 afiliatu gehiago baitago.

Urteko bilakaerari erreparatuta, joan den urteko azaroan baino 8.321 langabe gutxiago daude, eta 27.853 afiliatu gehiago. Azaroan, orotara 146.193 pertsona zeuden langabezian Hegoaldean.

Espainiako Lan Ministerioak emandako datuen arabera, joan den hilabetean sektore guztietan murriztu da langabeen kopurua, eta zerbitzuetan izan da jaitsierarik handiena, alor horrek murrizketaren erdia baino gehiago hartu baitu, 611 langabe gutxiagorekin. Hala ere, azpimarratzekoa da industrian langabeziak izandako jaitsiera ere, 236 langabe gutxiago baitaude.

Herrialdeka, Arabako, Bizkaiko eta Gipuzkoako emaitza positiboen aldean, Nafarroak zenbaki gorriak eman ditu. 558 langabe gehiago zenbatu dira herrialdean, eta Gizarte Segurantzako afiliatu kopuruak ere behera egin du (240).

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Murga eta Tapia jarduneko sailburuak, gaur, Eusko Jaurlaritzaren Bilboko egoitzan. ©Javier Zorrilla / Efe

Eusko Jaurlaritzak neurri murriztaileak ezarriko ditu pilaketarik ez sortzeko

Andoni Imaz

Tapia jarduneko sailburuak adierazi du «agertoki berri bat» iritsiko dela, eta osasun larrialdia ezartzeak ez duela esan nahi iragan hilabeteetako neurriak hartuko dituztenik. Jendea ez pilatzeko, edukiera murriztuko dute zenbait lekutan, eta ordutegiak mugatuko dituzte.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna