Etxebizitza

Desokupa enpresa Ezkerraldean aritu nahian dabilela salatu dute

"Praktika mafiosoak" dituzten enpresen jardueraz ohartarazi du Portugaleteko Gizarte Eskubideen Bulegoak.

Etxe kaleratzeen kontrako protesta bat Barakaldon.
Etxe kaleratzeen kontrako protesta bat Barakaldon. Luis Jauregialtzo - Foku

Gotzon Hermosilla -

2019ko abenduak 11

Espainian ezaguna da Desokupa enpresa, baina orain arte ez du jardun Euskal Herrian. "Legez kanpo okupatutako etxeak edo maizter prekarioak dituztenak hustea" da haren eginkizuna, enpresaren web gunean agertzen denez. Orain, Portugaleteko Gizarte Eskubideen Bulegoak salatu du azken egunotan Ezkerraldeko herri horretan ibili direla enpresa pribatu horretako kideak, emakume bat etxebizitzatik bota nahian.

Bulegoak azaldu duenez, emakume horrek adingabeko ume bat du bere ardurapean, eta bizi den etxea ez dago okupaturik, alokairuan baizik, baina jabeak ez dio egin alokairu kontraturik: "Egoera horretan, jabeak ezin du auzitara jo, berak legea urratu duelako, eta, hortaz, bortxa erabiltzen duen enpresa horretara jo du", azaldu dute Gizarte Eskubideen Bulegokoek.

Bulegoak salatu du Desokupa "arlo judizialetik kanpo eta legezkotasunaren ertzean" aritzen dela, eta "bortxa eta oldarkortasun giroa" baliatu ohi duela etxe kaleratzeak egiteko.

Bulegoak dei egin die Portugaleteko herritar eta eragileei "adi" egon daitezen: "Ezin dugu utzi batzuk saia daitezen etxebizitza faltaren arazoa konpontzen taktika mafiosoak eta gorrotoaren diskurtsoa erabiliz".

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiari 1813an su eman ziotela oroitzeko Dora Salazarrek egindako eskultura, maskara jantzita ©JUAN CARLOS RUIZ / FOKU

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan.

Ikasle batzuk, ikasgelan, ikasturteko lehen egunean egindako argazki batean. ©IDOIA ZABALETA / FOKU

Eskola orduak: eztabaida zaharberritua

Mikel O. Iribar

Ordutegi jarraituaren aldeko plataforma bat sortu dute: institutuetatik kanpo ere jartzea nahi dute. Nafarroan hala ari dira, baina Jaurlaritzak ez du onartu. EHIGEk uste du eztabaida pedagogikoa behar dela.

COVID-19a atzemateko test bat, Donostian. ©GORKA RUBIO / FOKU

Beste 612 positibo atzeman dituzte Hegoaldeko azken zenbaketetan

Uxue Rey Gorraiz

Hiru pertsona hil dira birusaren ondorioz Hego Euskal Herrian, Nafarroan hirurak. 510 lagun daude ospitaleratuta; horietatik 84, ZIUetan

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna