Artea

Cristina Iglesiasek Arte Grafikoko Espaniako Sari Nazionala irabazi du

Epaimahaiak berariaz nabarmendu ditu artistak adierazpen grafikoaren prozesuekin eta garapenarekin izan duen inplikazioa eta haiei buruz egin duen ikerketa lana.

Cristina Iglesias, joan den urrian, Bilboko Arte Ederren museoan.
Cristina Iglesias, joan den urrian, Bilboko Arte Ederren museoan. Luis Tejido / EFE

Berria -

2019ko abenduak 19

Cristina Iglesias eskultore eta grabatu egileari (Donostia,1956) Arte Grafikoko Espainiako Sari Nazionala ematea erabaki du San Fernandoko Arte Ederren Errege Akademiak, eta Iglesiasek arte grafikoen alorrean egin duen ikerketa lana nabarmendu du, «eskultura obrarekin modu paraleloan" egin duena.

Iglesias zientzia kimikoetan lizentziatu zen, EHUn, baina 1980an Londresera jo zuen, Chelseako Arte Eskolara hain zuzen ere, eta bi urtez eskultura lana garatu zuen. Gerora, ikasten segitu zuen New Yorkeko Pratt institutuan, eta jarraian irakasle aritu zen Munichen (Alemania), Bildenden Kunste akademian.

1999an, Espainiako Arte Plastikoen Sari Nazionala irabazi zuen, eta 2005ean, berriz, Espainiako Arte Ederretako Urrezko Domina.

Haren obra mundu guztian dago ikusgai, hala museo eta galerietan (New Yorkeko MOMA, Londreko Tate Gallery, Parisko Pompidou), nola eremu publikoetan.

Orain, Donostiako Santa Klara uharteko itsasargian jarri nahi duten eskultura proiektu batean ari da lanean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna