Egunean Behin

60.000ko langa gaindituta amaitu du Egunean Behin-ek bigarren denboraldia

Otsailaren 3an ekingo diote hirugarrenari. Apirilaren 5era arte iraungo du.

Azpeitian jokatutako finala.
Azpeitian jokatutako finala. Gorka Rubio/Foku

Iosu Alberdi -

2019ko abenduak 30

Egunean Behin aplikazioan 62.175 lagunek jokatu dute partidaren bat azken astean. Zifra horrekin amaitu da jokoaren bigarren denboraldia. Zenbaki ikaragarria, kontuan izanik uda aurretik, hau da, lehen denboraldia amaitzean, 10.000 erabiltzaile inguru zituela. CodeSyntax enpresak sortutako jokoan berriz buru belarri aritzeko —egunean minutu batez bada ere—, otsailaren 3ra arte itxaron beharko da, orduan hasiko baita hirugarren denboraldia. Bi hilabeteko iraupena izango du, apirilaren 5era bitartekoa.

2019. urtea Egunean Behin fenomenoarena izan da. Bai, behintzat, urtearen bigarren erdialdea. Uda aurretik, 10.000 erabiltzaile inguru zituela amaitu zuen aplikazioak lehen denboraldia. Zifra horrek, ordea, gorakada etengabea izan du gaur arte, inoiz euskarazko aplikazio edo joko batek lortu gabeko erabiltzaile kopurura iritsita. Halako zerbait iristeko "gosea" bazegoela sumatu zuten asmatzaileek, eta bai asmatu ere. Abenduaren hasieran, 45.000 lagun ari ziren jokatzen. Herrietako, lagunarteko edo enpresetako taldeak ugaritu ziren; askotan sari propioak banatuta. Azpeitiko Sanagustin kulturgunean ere jokatu zen lehen finala, ordura arte emaitza onenak lortu zituzten jokalariak elkartuta. Urtea amaitu aurretik, aise gainditu du 60.000ko langa.

Orain ez dago itxarotea beste erremediorik. Otsailean ikusiko da ea zer dakarren jokoak. Pertsonaia berriak? Formula matematikoak? Aktualitateko galderak? Nork daki.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©JUAN CARLOS RUIZ / FOKU

«Libanon bizi ahal izateko, errefuxiatuek babesle bat behar dute»

Zihara Jainaga Larrinaga

Aizpuruk 'Sombras de Beirut' film laburra ekoizteko proiektua du esku artean, Libanon bizi diren errefuxiatuei buruzkoa. Lehen zatia grabatuta, asmoa du lana osatzeko dirua biltzea eta berriz joatea.
Florida Parkeko kioskoa. ©RAUL BOGAJO / FOKU

Hiriaren bihotzean sustraituta

Jone Arruabarrena

Gasteizko Florida Parkeak berrehun urte bete ditu aurten. Istorio bitxiak bildumatzeko aukera izan du bi mendeotan, baita landare espezie berezi eta askotarikoak ere.
<em>El desafo: ETA</em> dokumental saioaren fotograma bat. Amazon Prime Video plataformak estreinatuko du. ©AMAZON

Guardia zibilak kontalari

Urtzi Urkizu

Amazon Prime Videok 'El desafío: ETA' dokumental saioa estreinatuko du ostiralean. Erakunde armatuaren historia jasotzen du, zortzi orduan. 83 elkarrizketa egin dituzte.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna