Albistea entzun

Lan istripuak

Gasteizko lan istripuan aldamioak ez zituen babes neurri guztiak

Sindikatuek lan baldintza txarrekin lotu dute ezbeharra, eta protestak antolatu dituzte.

Lan istripuak salatzeko protesta bat, Donostian
Lan istripuak salatzeko protesta bat, Donostian / Juan Carlos Ruiz (Foku)

Berria -

2020ko urtarrilak 3 16:39

Osalanen arabera, segurtasun neurriak falta zituen Gasteizko obra batean aldamio batetik erorita ostegunean hil zen langileak.

Laneko Segurtasun eta Osasunerako Euskal Erakundearen iturriek Efe berri agentziari azaldu diotenez, aldamioaren perimetro osoa ez zegoen babestuta erorikoak eragozteko hesiekin. Aldamioaren bi zati luzeetan bazuen babesa, baina ez motzetan. Hortaz, aldamioaren babes perimetralean gabeziak zeudela ondorioztatu dute istripu tokian egindako lehen behaketan. Iturri horiek gogoratu dute azken txostenean zehaztuko dutela hobeto zer gertatu zen.

Langileak 55 urte zituen, eta igeltsero lanak egiten zituen Arnaiz Asc 21 eraikuntza enpresarentzat. Arabako hiriburuko Olarizu etorbideko 32. zenbakian egiten ari diren eraikinean ari zen lanean, adreiluzko eskailera bateko zulo bat ixten, lurretik hiru metro ingurura.

Sindikatuek gogor kritikatu dute gertatutakoa. Juan Luis España CCOOko laneko ezbeharren arloko arduradunak gogoratu du langileak denbora gutxi zeramala Arnaiz Asc 21 enpresan lanean. Sindikatu horrek enpresei eta administrazioei eskatu die «beharrezko neurriak» har ditzatela halako istripurik berriro gerta ez dadin, eta dei egin du datorren asteartean SEA Arabako patronalaren egoitzaren aurrean egingo duten elkarretaratzean parte hartzeko.

ELAk ere mobilizatzeko eskatu du. Azpimarratu du eraikuntzaren sektorean dagoen ezbehar kopuru handiak agerian uzten dituela beharginen lan baldintzak. «Gastuak murriztu nahi dituzte, langileen bizia eta osasuna jokoan jartzen badituzte ere».

Arazoak anbulantziarekin

Elkarrekin udal taldeak, berriz, salatu du «Araban dagoen anbulantzia medikalizatu bakarra» ezin izan zela joan istripu lekura, orduantxe Arabako mendialdean zegoelako, beste larrialdi batean. Adierazi du erizain talde bat eta auzoko lehen arreta zerbitzuko mediku bat zeudela hara joan zen anbulantzian.

Urte amaieran, larrialdietako langileak biltzen dituen elkarte Eustes-ek gogoratu zuen Araban eta Bizkaiaren zati batean zerbitzu hori eskaintzen zuen enpresak ez duela jarraituko 2020. urtean. Eusko Jaurlaritzako Osasun Sailak, baina, ziurtatu du zerbitzua «bermatuta» dagoela.

Urte hasiera honetan bi lagun hil dira lan istripuz. Iaz 44 langile hil ziren Euskal Herrian beharrean ari zirela. 2018ko igoera handiaren ondoren, 2019an berriro behera egin zuen lanean hildakoen kopuruak: %35 gutxiago.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

ELAk hauteskunde sindikaletarako prestatu duen kanpainaren aurzkezpena. ©Berria

Sindikatuek ordezkarien erdiak izango dituzte jokoan hurrengo hilabeteetan

Imanol Magro Eizmendi

ELAk %36ko ordezkaritza du Hego Euskal Herrian, eta kopuru hori hobetzeko asmoz aurkeztuko da hauteskunde sindikaletara. Ordezkarien %47 berrituko dira urritik ekainera arteko tartean.

Nord Stream 1 gasbidea, Alemanian sartzen den puntuetak batean ©STEFAN SAUER (Efe)

Berlinek eta Moskuk «sabotajetzat» jo dituzte Nord Streameko isuriak

Jokin Sagarzazu

Gertakariak ez du eraginik izango Europarako gas horniduran, gaur egun bi gasbideak zerbitzuz kanpo baitaude. Zer gertatu den ikertzen ari dira.

Macron, Sant Nazaerko parke eolikoaren inaugurazioan. ©STEPHANE MAHE / EFE

Parisek arindu egin nahi du berriztagarrien tramitazioa

Iker Aranburu

Auzoekiko atzerapena murrizte aldera, proiektu eolikoak eta fotovoltaikoak moteltzen dituzten tramiteak eta auzibideak laburtzeko lege proiektua egin du Frantziako Gobernuak

Metalgitzako langile bat jardun betean. ©Marisol Ramirez / FOKU

Metalgintzako negoziazioak: Nafarroan akordioa gertuago dago; Bizkaian, urrun

Imanol Magro Eizmendi

Nafarroako metalgintzako patronalak UGTren eta CCOOren eskaintzak aztertuko ditu. Bizkaikoak, berriz, ez du aldatu lan ituna berritzeko eginiko azken eskaintza.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...