U-30 greba orokorra

«Erasora jo» eta «estutzeko» greba orokor bat

ELA, LAB, STEILAS, ESK, HIRU, ETXALDE eta EHNE sindikatuek urtarrilaren 30eko greba orokorrerako deialdia erregistratu dute Jaurlaritzan, eta egun greba egiteko «are arrazoi gehiago» daudela aldarrikatu dute

Euskal Herriko Gutun Sozialak Jaurlaritzaren aurrekontuak salatzeko eginiko ekitaldia.
Euskal Herriko Gutun Sozialak Jaurlaritzaren aurrekontuak salatzeko eginiko ekitaldia. Marisol Ramirez / FOKU Tamaina handiagoan ikusi

Imanol Magro Eizmendi -

2020ko urtarrilak 9

Deialdia ofiziala da dagoeneko: ELA, LAB, STEILAS, ESK, HIRU, ETXALDE eta EHNE sindikatuek ofizialki erregistratu dute urtarrilaren 30erako greba deialdia, Eusko Jaurlaritzak Bilboko Kale Nagusian duen egoitzan. Horrenbestez, pauso burokratiko guztiak emanak daude mobilizazioa bideratzeko. Sindikatuen ustez, gainera, egun deialdia jakinarazi zenean baino "are arrazoi gehiago daude" greba egiteko. Onarturiko Eusko Jaurlaritzaren aurrekontu proiektuak, Nafarroako Gobernukoaren proiektuari buruz jakin dena eta PSOE eta Podemos alderdiek Espainiako Gobernuek akordioek ez diete erantzunik eman Euskal Herriko Gutun Soziala deialdia egitera eraman dituen arrazoiei. Era berean, gogoratu dute Ipar Euskal Herriko langileek hilabetetik gora daramatela pentsio duinen aldeko «borrokan», eta horrek are garbiago erakusten duela Euskal Herriak pentsio sistema propioa behar duela.

Sindikatuek bat egin dute eskaera aurkezteko, eta, Garbiñe Aranburu LABeko idazkari nagusiaren hitzetan, «erasora jotzeko» eginiko deialdi bat da, «lan guztien aitortza sozial eta politikoa egiteko, zaintza lanak barne». Aranburuk urte hasiera honetan lan istripuetan hildakoak hartu ditu gogoan grebarako arrazoiak aipatzean:  «Bizitza duinaren aldeko greba bat erregistratzera gatoz, eta gogoratu behar da urteak dituen bederatzi egunetan sei langile hil direla dagoeneko lan istripuetan. XXI. mendean gaude, eta oraindik lanera joateak gaixotzea edo hiltzea esan nahi du».  

Mitxel Lakuntza ELA idazkari nagusiak, bestalde, «kalean estutzeko» garaia dela nabarmendu du: «Patronala ez da erlaxatzen, eta guk ere estutu behar dugu. Pentsioei buruz hitz egiten bada, pentsiodunek kalean estutu dutelako da; berdintasunaz hitz egiten bada, mugimendu feminista kalean dagoelako da; eta, prekaritateaz hitz egiten bada, sindikatuak kalean gaudelako da». Era berean, Lakuntzak esan du greba honek balio behar duela prekaritatearen, pentsioen okertzearen eta eskubide sozialen urraketaren inguruan dagoen «isiltasuna» apurtzeko.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

PCR proba bat, Gurutzetako ospitalean. ©Luis Jauregialtzo, FOKU

Positibo kopuruak goia jo du Nafarroan

Uxue Rey Gorraiz

Beste 749 kasu atzeman dituzte Hegoaldean, eta nabarmen ugaritu dira Nafarroan: 362 kutsatu detektatu dituzte azken egunean. 501 lagun daude erietxeratuta Hego Euskal Herrian, eta 82 gaixo daude ZIUetan.

Zestoa, artxiboko irudi batean. ©Gorka Rubio / Foku

Eraikin publikoak eta tabernak itxi dituzte Zestoan

Berria

28 kasu baieztatu dituzte azken egunetan, eta neurri murriztaileak hartu dituzte agerraldiari aurre egiteko asmoz. Datozen egunetan egoera «kontrolatzea» espero dute.

Iñigo Urkullu omenaldian ©Eusko Jaurlaritza

Koronabirusaren biktimak omendu dituzte Gasteizen

Uxue Rey Gorraiz

Iñigo Urkullu lehendakariak gidatu du ekitaldia. Pandemiarengatik hildakoak gogoratu ditu, eta elkartasuna adierazi die familiei. «Elkarrizketa soziala» bultzatu dadin galdegin du, bizikidetza sozialaren berreraikuntzarako.

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

COVID-19ak Euskal Herrian duen eragina azaltzen du grafiko eta mapa interaktibo sorta honek. Izurriaren une larrienak martxoan eta apirilean gertatu ziren. Maiatzean eta ekainean apalduz joan zen gaitzaren hedapena, baina udan berriro hasi dira ugaritzen positiboak, ospitaleratzeak eta agerraldiak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna