Indarkeria matxista

Arrigorriagako ikastetxe batean pintaketa matxista eta faxistak egin dituztela salatu du LABek

Igandean idatzi zituzten mezuak paretetan, sindikatuak salatu duenez, eta ohartarazi dute ez dela hori gertatzen den «lehen aldia». «Emakumeek gona eta elastikoak eramaten dituzue ipurdia erakusteko, baina gero ez duzue bortxatuak izan nahi» eta halako beste mezu batzuk agertu dira.

2018an egindako pintaketa bat, Arrigorriagako ikastetxean.
2018an egindako pintaketa bat, Arrigorriagako ikastetxean. BERRIA Tamaina handiagoan ikusi

Berria -

2020ko urtarrilak 13

LABek salatu duenez, «emakumeen askatasunaren aurkako mezuak» margotu dituzte Arrigorriaga BHI ikastetxean (Bizkaia). «Emakumeek gona eta elastikoak eramaten dituzue ipurdia erakusteko, baina gero ez duzue bortxatuak izan nahi», «Irtenbidea: geratu etxean harrikoa egiten» eta halakoak dira mezuak. Zakil baten marrazkiaren ondoan «Honek mundua menperatzen du» ere idatzi dute, baita «Arriba España» eta «Fuck etarras» bezalakoak ere.

Sindikatuak salatu du behin baino gehiagotan gertatzen direla halakoak: «Ez da lehenengo aldia Hego Euskal Herriko ikastetxeek eraso matxista, faxista edo homofoboak pairatzen dituztela; esaterako, 2019ko urrian Iruñeko Amaiur eta Mendilorri ikastetxearen aurka, eta azaroan Zaratamako eskolaren kontra».

«Faxismoaren oldarraldiari borroka feministarekin» erantzungo diotela adierazi du sindikatuak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Osasun langileak, atzo, PCRak egiten, Donostiako Okendo kultur etxean. ©GORKA RUBIO / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU
 ©LUKAS COCH / EFE

COVID-19aren kutsatzeak arakatzeko aplikazioen eraginkortasuna, kolokan

Munia El Marhoum Iruretagoiena

«Normaltasun berrira» heldu bidean, koronabirusaren zabaltzea geldiarazteko tresna gisa aurkeztu dituzte zenbait 'app'. Herrialde askotan ez dira lortu hasiera batean aurreikusitako emaitzak

Lasarte-Oriako klasururako konbentua itxita, gaur. ©Javier Etxezarreta / EFE

Lasarte-Oriako klausurako komentu bateko moja guztiek positibo eman dute

Berria

Hamar izan dira positiboak guztira. Alkateak adierazi du agerraldia kontrolpean dagoela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna