Libia

Libia ekialdeko buruzagi militarrak uko egin dio su-etena sinatzeari

Soilik Tripoliko gobernuak onartu du Errusiak eta Turkiak bultzatutako menia. Zenbait iturriren arabera, borrokak hasi dituzte hiriburuaren hegoaldean.

Khalifa Haftar eta Erusiako Atzerri ministro Sergey Lavrov, atzo, Moskun. /
Khalifa Haftar eta Erusiako Atzerri ministro Sergey Lavrov, atzo, Moskun. / EFE Tamaina handiagoan ikusi

Arantxa Elizegi Egilegor -

2020ko urtarrilak 14

Argi izpi bat piztu zen atzo Libian. Asteburuan Errusiak eta Turkiak bultzatutako behin-behineko su-etena onartu zuten Fayez al-Sarraj buru duen Batasun Nazionaleko Gobernuak eta Khalifa Haftar buruzagi militarrak. Hurrengo pausoa, menia iraunkor bat adostea, atzo zuten ematekoa, baina erdibidean geratu zen. Soilik Al-Sarrajek sinatu zuen hitzarmena, eta Haftarrek eta haren alde agertu izan den parlamentuak, zeinak Tobruk hirian duen egoitza —militarren kontrolpean dago—, denbora gehiago eskatu zuten testua aztertzeko.

Gaur, ordea, Errusiako iturriek jakinarazi dute Haftarrek Mosku utzi duela eta Libiara itzuli dela, akordioa sinatu gabe; atzo piztutako argi izpia itzali egin da horrela. «Ordezkarien Ganberako presidentea eta Libiako Armada Nazionaleko burua Errusiako hiriburutik irten dira konstituzioaren aurkakoa den Batasun Nazionaleko Gobernuarekin inolako akordiorik sinatu gabe", zehaztu du Libiako albiste agentzia batek. Haren arabera, buruzagi militarrak Errusia eta Turkiari egotzi die haien eskari nagusiei entzungor egitea.

Joan den apirilaz geroztik, Tripoli eskuratzeko ahaleginean ari dira militarrak. Urtarril hasieran Sirte hiriaren kontrola hartu zuten, eta azken asteetan hiriburura gerturatuz joan dira. Gaur bertan, hainbat lekukoren arabera, tiro eta artilleria hotsak entzun dira Tripoliko Sala al Deen eta Ain Zara auzoen kanpoaldean.

Facebookeko orrian idatzitako mezuan, Haftarrek iragarri du borrokan jarraituko dutela «garaipena eskuratu arte», Batasun Nazionaleko Gobernuaren aurka. Azken horrek, berriz, salatu du erasoak egin dituztela gauean, eta frankotiratzaile batek pertsona bat hil duela. «Iturri militarren arabera, Haftar miliziak biltzen eta hiriburuaren inguruan kokatzen ari da, erasoaldirako prestatzen».

 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna