Noiz sortua: 2020-01-14 17:31:25

Katalunia

Puigdemontek autodeterminazio eskubidearen defentsa egin du lehen mintzaldian

Kataluniako aferarako irtenbide politiko bat bilatzeko beharra azpimarratu du Puigdemontek Europako Parlamentuan, «elkarrizketaren eta negoziazioaren» bidetik.

Iosu Alberdi -

2020ko urtarrilak 14

Carles Puigdemontek bere lehen mintzaldia egin du gaur Europako Parlamentuan. Minutu exkax hitz egiteko aukera izan du, eta Kataluniaren autodeterminazio eskubidea aldarrikatzeko erabili du: «Autodeterminazio eskubidea da biderik onena eta demokratikoena lurralde gatazkak konpontzeko». Adierazi du Europako Batasunak eskubide hori gauzatzeko «mekanismo demokratiko komunak» aurkitu behar dituela. Kataluniako presidente kargugabetuak azaldu du Europako politikariek «ahotsa goratzeko» garaia dela, «munduari erakusteko zein den bide egokia». Izan ere, irtenbide politiko bat bilatzea ezinbestekotzat jo du, «elkarrizketaren eta negoziazioren» bidetik: «Errepresioa ezin da izan irtenbide onargarri bat». Txaloak jaso ditu Puigdemontek, besteak beste, alboan zuen Toni Comin alderdikide eta Generalitateko kontseilari ohi kargugabetuarenak.

Hitzaldiaren hasieran, Puigdemontek nabarmendu du Europako Batasuneko Presidentetza Kroaziaren esku dagoela, eta gogoratu du herrialde hark «duela gutxi» lortu duela independentzia: «Geroztik, Europako Batasunaren kide leiala izan da». Andrei Plenkovic lehen ministroari eskertu dio Espainiaren eta Kataluniaren arteko elkarrizketa eskatu izana: «Katalunia, gaur, Europaren barne auzia da, eta presente egongo gara Kroaziaren presidentetza aldian».

Puigdemont hitz egiten ari zen bitartean, Ciudadanoseko Luis Garicano eta PPko Dolors Montserrat europarlamentariek txartel urdinak altxa dituzte. Erantzuna eman nahi dutela adierazteko erabiltzen dira txartel horiek. Montserrat hitz egiteko prest zen, orria eskuan eta mikrofonoa aurrean kokatuta, baina ez du aukerarik izan; mintzatu den eurodiputatuak du erantzun nahi duten kideei hitza emateko eskubidea. Parlamentuko mahaitik galdetu diotenean ea hitz egiteko aukera emango dien bi kideei, Puigdemonten erantzuna garbia izan da: «Ez». Irribarre batekin erantzun du PPko kideak.

Gaurko diskurtso laburra egin ahal izateko aukera, berriz, Europako Parlamentuko araudiko 172. artikuluak eman dio. Artikulu horren arabera, parlamentariek eskubidea dute epe bakoitzeko lehen biltzarrean «garrantzi politikoa duten gaien» inguruko mintzaldi bat egiteko, gehienez ere minutu batekoa.

Atzo, ordea, izan zuen luzatzeko aukera, besteak beste, Kataluniako presidente Quim Torrak eta Parlamenteko presidente Roger Torrentek babestuta. Lehen aldiz biltzarrean parte hartu ostean, prentsaurrekoan adierazi zuen Kataluniak bizi duen arazoa ez dela independentzia kontua soilik, demokrazia kontua baizik. Espainiako autoritateei ere bidali zien mezua, hari eta Comini immunitatea kentzeko suplikatorioa ofizial egitearekin batera. «Politika desjudizializatzeko» eta «justizia despolitizatzeko» beharra azpimarratu zuen. Izan ere, Espainiako Auzitegi Gorenak suplikatorio eskaera bidalita, europarlamentariek hartuko dute orain Cominen eta Puigdemonten immunitatea kentzeko edo mantentzeko erabakia. Gehiengo soilarekin onar dezakete, parlamentuko Batzorde Juridikoaren gomendioak entzun ostean.

Gaur azpimarratu bezala, Kataluniako presidente kargugabetuak gaineratu zuen Europako herritar guztiei eragiten diela gatazka horrek. «Gaur Junquerasi gertatzen zaiona Europako edozein disidenteri gerta dakioke bihar», gehitu zuen ERCko buru espetxeratu Oriol Junquerasen egoerari erreferentzia eginez. Europarlamentari izaera kendu dio parlamentu hark ERCko buruari, Espainiako Auzitegi Gorenari men eginez. Junquerasek, ordea, ez du amore eman, eta errekurtsoa jarriko du Europako Batasuneko Berme Auzitegian. 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Hauteskunde Batzordeak bihar aztertuko du Ordiziako egoera

Hauteskunde Batzordeak bihar aztertuko du Ordiziako egoera

Arantxa Iraola - Jon Ordoñez Garmendia

Ordiziako positiboekin lotutako 48 kasu zenbatu dituzte dagoeneko. Maskara erabiltzea nahitaezkoa izango da Gipuzkoako herri horretan, eta tabernetako jarduna mugatu egingo dute. Beste taberna bat itxi dute, langile batek «positibo ahula» eman duela eta.

PCR probak egiten, aste honetan, Ordizian. ©JON URBE / FOKU

Maiatzaren 20tik ez zen hain datu txarrik positibo berrietan

Mikel P. Ansa

Hego Euskal Herrian azkeneko 24 orduetan 35 kasu positibo berri agertu dira PCR probak eginda. Maiatzaren 20an 31 kasu izan ziren, eta hilabete eta erdian ez da hain emaitza txarrik izan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna