Musika

Jose Luis Ansorena omenduko du Eresbilek aurten

Udaberrian aurkeztuko dute musika funtsen eta bildumen gida eta mapa digitala. Dokumentu gehiago eskuratu zituen artxiboak iaz: 263.000tik gora ditu egun.

Jon Bagues Eresbileko zuzendaria, gaur, Donostian.
Jon Bagues Eresbileko zuzendaria, gaur, Donostian. Juan Carlos Ruiz/FOKU Tamaina handiagoan ikusi

Aitor Biain -

2020ko urtarrilak 15

Iaz zendu zen Jose Luis Ansorena, 90 urte zituela. Musikagile eta konpositore izateaz gain, musika ikerlari eta hainbat abesbatzaren sortzaile eta zuzendari ere izan zen, eta baita Eresbil musikaren euskal artxiboaren sortzaileetako bat ere. Bada, hark egindako lana omenduko du aurten Eresbilek Musikasteren programazioaren barruan. Hala jakinarazi du erakundeak Donostian egindako agerraldian. 

Euskal konpositoreei eskainitako asteak 48. aldia izango du aurten, eta maiatzaren 15etik 23ra bitarte izango da. Jose Mari Iparragirre, Javier Bello Portu eta Miguel Gonzalez Bastida ere omenduko dituzte, Ansorenaz gain. Errenteriako (Gipuzkoa) lau abesbatzak parte hartuko dute omen ekitaldian, eta Euskadiko Orkestra Sinfonikoak Anita Bringuet Idiartborderen Gipuzkoa balleta interpretatuko du. 

Musikaste izaten da Erebilen urteko jardunaldirik garrantzitsuenetariko bat, baina urte osoan beste asmo eta eginkizun batzuk ere izaten ditu. Horietako bat da, hain zuzen, Euskal Herriko Musika Funtsen Gida. Euskal Herriarekin zerikusia duten musika funtsen eta bildumen bilduma egin zuen artxiboak 2017an, aurrena. XIX. mendekoak baino lehenagokoak diren 1.384 lanen informazioa bildu zuen Eresbilek orduan. Eta, iaz, horien guztien mapa digital bat osatu zuen. Jon Bagues zuzendariak jakinarazi du udaberrian aurkeztuko dituztela gida bera eta mapa digitala.

Horrez gain, egungo euskal konpositoreei eskainitako hainbat argitalpen ere kaleratuko ditu Eresbilek aurten Musikenerekin batera. Artikuluak, elkarrizketak eta katalogoak izango dira, musikagileen «nazioarteko proiekzioa indartzen laguntzeko».

 

Dokumentu gehiago artxiboan

Urtetik urtera inbentarioan sartutako dokumentu gehiago ditu Eresbilek artxiboan. 263.000ren bueltan itxi zuen iazko urtea. Horietatik, ikus-entzunezkoak dira oraindik ere gehienak (%44), baina badaude partiturak (%37), liburuak (%8) eta bestelakoak ere (%11) –gutunak, argazkiak, programak, kartelak...–. 

Horiei guztiei gehitu behar zaizkie erakundeari hainbat funtsek dohaintzan edo utzita emandako dokumentuak. Iazko urtea «aberatsa» izan dela aitortu du artxiboak. Izan ere, hainbat izan dira artxiboa osatzen lagundu duten familiak; Garbizu edota Artzerenak, esaterako. Eresbilek eskerrak eman dizkie emaile guztiei.

Musikaren euskal artxiboan euskal konpositoreen 35.000 partitura baino gehiago daude dagoeneko. Iaz, 820 partitura berri eskuratu zituen erakundeak, horietatik 60 dira emakumezko egileenak. Tartean dira, esaterako, Beatriz Arzamendiren eta Iratxe Arrietaren lanak.

Horrez gain, Arantzazuko eskuizkribuen katalogazioa ere amaitu du Eresbilek. Bi urteko iraupena izan dute lanek, eta, horri esker, sarean kontsultatzeko aukera dago frantziskotarrek monasterioa erre aurretik XVII, XVIII eta XIX. mendeetan interpretatzen zituzten mila obratik gora ere. 

 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna