Albistea entzun

Ekintzailetza

Araban lehiaketa eta topaketa bidez sustatuko dute ekintzailetza

Araba Ekinean egitasmoak proiektu eta negozio berritzaileen sorkuntza bultzatuko du. Aurten, planetaren erronkei aurre egiten lagunduko dieten ideietan jarriko dute arreta berezia.

Egitasmoaren aurkezpena, gaur goizean. /
Egitasmoaren aurkezpena, gaur goizean. / Juanan Ruiz/Foku Tamaina handiagoan ikusi

Aitor Biain -

2020ko urtarrilak 20 15:22

Araba Ekinean egitasmoak ekintzailetza sustatzea du helburu. Gasteizko Udalak, Arabako Foru Aldundiak, Eusko Jaurlaritzak eta Vital Fundazioak elkarlanean antolatzen dute, eta aurten ere lehiaketa eta topaketa bidez bultzatuko dute proiektu eta negozio berritzaileen sorkuntza. Oraingoan, planetaren erronkei aurre egingo dieten ideietan jarriko dute arreta bereziki. Moonshot-ak ekintzailetzarako leloa aukeratu dute horretarako; hau da, ilargira iristea kasu, asmo eta erronka konplexuei erantzuteko ideia berritzaileetan azpimarra egiteko.

Gaur goizean, egitasmoaren antolatzaileek urtean zehar antolatuko dituzten ekintzen berri eman dute. Bertan izan dira Pilar Garcia de Salazar Arabako Foru Aldundiko ahaldunorde nagusia, Maider Etxebarria Gasteizko Udaleko Garapen Ekonomiko Iraunkorraren saileko zinegotzia, Aitor Urzelai Eusko Jaurlaritzako Ekintzailetzaren, Berrikuntzaren eta Informazio Garapenaren zuzendaria eta Axier Urresti Vital Fundazioko zuzendaria.

Ideia lehiaketa martxan da dagoeneko, eta martxoaren 13a bitarte izango da proposamenak aurkezteko aukera. Iaz, 55 proposamen aurkeztu zituzten. Irabazleen artean guztira 10.000 euro baino gehiago banatuko dira sarien bitartez. Apirilean 2an egingo duten Ekin Day jardunaldian jakinaraziko dute zer proiektuk irabazi duten. «Urtero bezala, sariketa honen helburua da Araban ekintzailetzarako dagoen talentua bistaratzea eta arabarren ekintzailetzarako bokazioa motibatu eta elikatzea», azaldu du Garcia de Salazarrek.

Halaber, egun hori ekintzaileen arteko topaketa bat egiteko baliatuko dute. Urtean zehar beste hainbat topaketa ere egingo dira, nolanahi ere; Ekin Breakfast izena jarri diete topaketa horiei, eta Araba osoan egingo dituzte, tokian tokiko erronkak ardatz hartuta.

Horrez gain, Startup Europe Week egitasmoa ere egingo dute aurten, ekintzaileei beren negozio ideiak bultzatu eta garatzen laguntzeko. Egitasmoa Europako Batzordeak bultzatua da, eta bosgarren aldia du aurten Araban. Martxoan egingo dute, Europa Jauregian. «Jardunaldian ekintzaileentzako eskura dauden tresna eta ekimenei buruz hitz egingo da,  baita talentuaren garrantziari buruz ere», adierazi du Urzelaik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

ELAk hauteskunde sindikaletarako prestatu duen kanpainaren aurzkezpena. ©Berria

Sindikatuek ordezkarien erdiak izango dituzte jokoan hurrengo hilabeteetan

Imanol Magro Eizmendi

ELAk %36ko ordezkaritza du Hego Euskal Herrian, eta kopuru hori hobetzeko asmoz aurkeztuko da hauteskunde sindikaletara. Ordezkarien %47 berrituko dira urritik ekainera arteko tartean.

Nord Stream 1 gasbidea, Alemanian sartzen den puntuetak batean ©STEFAN SAUER (Efe)

Berlinek eta Moskuk «sabotajetzat» jo dituzte Nord Streameko isuriak

Jokin Sagarzazu

Gertakariak ez du eraginik izango Europarako gas horniduran, gaur egun bi gasbideak zerbitzuz kanpo baitaude. Zer gertatu den ikertzen ari dira.

Macron, Sant Nazaerko parke eolikoaren inaugurazioan. ©STEPHANE MAHE / EFE

Parisek arindu egin nahi du berriztagarrien tramitazioa

Iker Aranburu

Auzoekiko atzerapena murrizte aldera, proiektu eolikoak eta fotovoltaikoak moteltzen dituzten tramiteak eta auzibideak laburtzeko lege proiektua egin du Frantziako Gobernuak

Metalgitzako langile bat jardun betean. ©Marisol Ramirez / FOKU

Metalgintzako negoziazioak: Nafarroan akordioa gertuago dago; Bizkaian, urrun

Imanol Magro Eizmendi

Nafarroako metalgintzako patronalak UGTren eta CCOOren eskaintzak aztertuko ditu. Bizkaikoak, berriz, ez du aldatu lan ituna berritzeko eginiko azken eskaintza.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...