Haur eta Gazte Liburuaren Espainiako Elkarteak, Galtzagorri elkartearekin batera, Elena Odriozola ilustratzailea (Donostia, 1967) aukeratu zuen, iaz, IBBY (International Board on Books for Young People) elkarteak aurten banatuko dituen Hans Christian Andersen sarietarako hautagai izateko, eta finalista izatea lortu du orain Odriozolak.
Sei dira guztira finalistak. Odriozolarekin batera, ondorengo bost ilustratzaileak daude hautagaien artean: Isabelle Arsenault (Kanada), Seizo Tashima (Japonia), Iwona Chmielewska (Polonia) eta Albertine (Suitza).
Martxoaren 30ean jakinaraziko dute horietatik zeinek irabaziko duen aurtengo Andersen saria. Irailean banatuko dituzte ondoren, IBBYren 37. Kongresuan, Moskun.
