Klima larrialdia

Trump eta Thunberg aurrez aurre jarri dira Davosen

«Hondamendiaren iragarleak» baztertzeko eskatu du AEBetako presidenteak. Agintarien «promesa hutsak» salatu ditu ekintzaileak.

Edu Lartzanguren -

2020ko urtarrilak 21

Munduko Ekonomia Foroan klima larrialdiaz mintzatu da AEBetako presidente Donald Trump. Baikortasunaren aldeko mezua helarazi nahi izan du. «Geroaren aukerez baliatzeko, hondamendiaren betiko profetak baztertu behar ditugu, eta haien apokalipsi iragarpenak», esan die entzuleei. Horien artean zegoen Greta Thunberg klima larrialdiaren aurkako ekintzailea. «Jota ikusi nahi gaituzte», gaineratu du Trumpek. Lehen ere egin ditu Etxe Zuriko buruak klima larrialdia ukatzeko, edo garrantzia kentzeko adierazpenak.

Beste areto batean aritu da, gero, Thunberg gaztea. AEBko buruzagiari aipatu gabe erantzun dio: «Esaten duzue: 'haurrek ez dute zertaz kezkatu; utzi guri; guk konponduko dugu; ez izan horren ezkor'». Baina, hori esan eta gero neurririk ez dela hartzen salatu du. «Badirudi sinaturiko itunak inork beteko ez dituela ikusteak ez dituela boteretsuak batere kezkatzen». Hartu beharreko neurriak hartzen ari direla sinetsarazteko «itxura egitea» leporatu die munduko agintariei. Trump ez zegoen entzuleen artean.

Ingurumenaren estiloa

Klima aldaketaren ukatzaile, klima aldaketaren negazionista, klima krisi, klima larrialdi eta beste hainbat termino biltzen dituen ingurumenari buruzko hiztegia plazaratu berri du BERRIAk. Irekia da, eta edonork kontsulta dezake sarean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna