Albistea entzun

%16,9koa izan da erantzuna administrazio orokorrean, Jaurlaritzaren arabera

Nafarroan, administrazioko langileen %8,13k egin dute greba, Nafarroako Gobernuak bildutako datuen arabera.

Josu Erkoreka.
Josu Erkoreka. / Irekia Tamaina handiagoan ikusi

Jon O. Urain -

2020ko urtarrilak 30

Eusko Jaurlaritzak zabaldutako datuen arabera, greba deialdiak %16,9ko erantzuna izan du Euskal Autonomia Erkidegoko Administrazio Orokorreko sektorean. Hori izan da babes portzentajerik handiena, beste alor batzuetan apalagoa izan dela azaldu baitu Jaurlaritzak, ohar batean: %7,56koa Osakidetzako goizeko txandan eta %3tik beherakoa justizia administrazioan. Behin-behineko datuak dira Josu Erkoreka Jaurlaritzako bozeramaileak emandakoak.

Erkorekak azaldu du 2013ko greba orokorrak izandakoa baino "eragin askoz apalagoa" izan duela gaurkoak, eta administrazio orokorra jarri du horren adibide: %26koa izan zen orduan.

Nafarroan, berriz, administrazioko langileen %8,13k egin dute greba, Nafarroako Gobernuak bildutako datuen arabera. 28.151 langiletik 6.746k gutxieneko zerbitzuak bete behar zituzten, eta gainerakoetatik 1.741 batu dira grebara.

Osasungintzan, sendagileen artean %4,6ko erantzuna izan du grebak, eta %8,7koa erizainen artean. %12,1ekoa, berriz, gainerako lanbide kategorien artean. Jaurlaritzak nabarmendu du osasun zentro guztiak egon direla irekita. Beste horrenbeste azpimarratu du hezkuntza arloan ere: ikastetxe publiko guztiak zabalik egon direla. Hezkuntzaren sektoreko datuak, berriz, arratsaldean eman ditu Jaurlaritzak; ikastetxeen erdietako datuak bildu ditu, eta horietan, irakasleen %48 batu dira grebara.

Sindikatuek, ordea, eman dituzte hezkuntza sektoreko datuak. Haien arabera, grebaren babesa %65ekoa izan da Araban, Bizkaian eta Gipuzkoan, eskola publikoan. Haur eskoletan, bost langiletik lauk egin dute greba, eta Ikastolen Elkarteko ikastetxeetan, hamarretik bederatzik. Sindikatuek azaldu dute Euskal Herriko Unibertsitatean jarduera gehienak eten egin dituztela, eta Mondragon Unibertsitatean, Enpresa ikasketen Fakultatea eta Huhezi itxita egon dira gaur. Oro har, %30etik gorako babesa izan du grebak, sindikatuen arabera.

Beste gorabehera batzuen artean, Jaurlaritzak jakinarazi du 35.000 euroren kostua izan duten sabotajeak izan dituztela Euskotrenen. Horrez gain, bost atxiloketaren berri eman du.

Horrez gain, Gipuzkoako Foru Aldundiak emandako datuen arabera, Lurraldebuseko ohiko autobus zerbitzuen %68,7 eman dituzte greba egunean.

Arabako patronalaren arabera, %6

SEA Arabako patronalaren arabera, %6ko erantzuna izan du grebak. Porrot hitza erabili du deialdia definitzeko, eta Arabako enpresetako langileek "normaltasun osoz" lan egin dutela nabarmendu du. Adierazpen batean azaldu duenez, goizean goiz pikete informatiboak izan dira zenbait industria gunetan, eta, horren eraginez, hainbat langile ohi baino beranduago sartu dira lanera. Haatik, azpimarratu du atzerapen horiek ez dutela langileen jarduna oztopatu: "Grebaren arrakasta ia nulua izan da".

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arroz ekoizle bat eskukada bat ongarri eskuan duela, Colombon (Sri Lanka). ©CHAMILA KARUNARATHNE/EFE

ONGARRIEN EKOIZPENAK %70 EGIN DU BEHERA

Maddi Iztueta Olano

NBE Nazio Batuen Erakundeak Errusiari eta Ukrainari eskatu die esportazio kimikoen inguruko akordioa adostu dezaten. Elikagaien eskasia areagotzen ari da.

Gazte bat «jan itzazu aberatsak» dioen pintaketa baten aurretik pasatzen, Atenasen. ©ORESTIS PANAGIOTOU / EFE
Nekazal landak, Berangon. ©Aritz Loiola / FOKU

Elikagai ekologikoen kontsumoak ez du atzera egin

Maddi Iztueta Olano

Arabako, Bizkaiko eta Gipuzkoako nekazaritza lurren %4,6 erabiltzen dira nekazaritza ekologikorako. Helburua 2030. urterako Europako nekazaritza lurren %25 ekologikoa izatea da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...