Albistea entzun

Migrazioak

'Aita Mari' ontzia Mediterraneora abiatu da, «giza eskubideak defendatzera»

Bi aste igaroko dituzte migratzaileak erreskatatzen. Salatu dute Europako Batasunak «ez ikusiarena» egiten diola Mediterraneoko «dramari». 'Open Arms' ontziak 400 migratzaile hartu ditu bost egunean.

'Aita Mari'-ko eskifaia, ontzia itsasoratu aurretik.
'Aita Mari'-ko eskifaia, ontzia itsasoratu aurretik. Pablo Garcia / Itsas Salbamendu Humanitarioa Tamaina handiagoan ikusi

Berria -

2020ko urtarrilak 31 09:38

Aita Mari ontzia Pireotik (Grezia) Mediterraneora atera zen atzo, migratzaileak erreskatatzeko. Bihar iristea espero dute, eta hurrengo bi asteak igaro nahi dituzte Maltako erreskate eremuan. Hamalau pertsona doaz barruan, «itsasoan giza eskubideak defendatzera».

Itsas Salbamendu Humanitarioa GKE gobernuz kanpoko erakundea da ontziaren arduraduna, eta ontzian mantentze lanak egiten aritu da abenduan eta urtarrilean.

GKEak nabarmendu du haien helburua dela salatzea «Europako Batasunak ez ikusiarena egiten diola drama honi». Haien esanetan, «flota solidarioak —Ocean Viking, Alan Kurdi eta Open Arms— agerian utzi du berriro inguru horretan salbamendu operazio publiko baterako dagoen beharra». Ontzi horiek egin duten lanarengatik ez balitz, erreskatatutako migratzaile asko «hilda egongo ziratekeen», Itsas Salbamendu Humanitarioaren hitzetan.

'Open Arms', lanean

Egunotan, soilik Open Arms ontzia ari da erreskate lanetan Mediterraneoan; bost operazio egin dituzte hiru egunetan, eta 400 migratzaile inguru hartu dituzte itsasontzian. Atzo egin zuten azken erreskatea: egurrezko ontzi «arriskutsu» batean zihoazen «ehun bat» pertsona jaso zituzten itsasoan.

Ontziaren izen bereko GKEak adierazi du Libiako kostan etengabe egiten dutela topo «hiltzeko arriskuan dauden pertsonak daramatzaten ontziekin», handik ateratzen baitira migratzaile gehienak, Europara iristeko asmoz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Javier Esparza, artxiboko irudi batean ©Iñaki Porto / EFE

UPNk Navarra Suma koalizioa amaitutzat ematea leporatu dio PPri

Irati Urdalleta Lete

Javier Esparzak «estrategia aldaketa bat» ikusten du PPn. UPNk uda amaitutakoan hartuko ditu Navarra Sumaren inguruko erabakiak

Eneritzen izandako istripua; larri zauritu da 21 urteko gazte bat. ©Nafarroako suhiltzaileak.

Gidari bat hil da Tebas-Muru Artederretan, autoa bidetik irten ondoren

Berria

N-121 errepidean gertatu da ezbeharra. Eneritzen izandako beste istripu batean, larri zauritu da 21 urteko gazte bat.

EHUko Zuzenbide fakultatea, Donostian ©Jon Urbe/ Foku

EHU munduko 400 unibertsitate onenen artean mantendu da

Edurne Begiristain

Shanghaiko Jiao Tong Unibertsitateak urtero egiten duen munduko unibertsitate onenen zerrendan segituko du EHU Euskal Herriko Unibertsitateak. EHUk zazpi espezialitate ditu munduko lehen 200 unibertsitateen artean.

Larrialdietarako anbulantzia bat, artxiboko irudian ©Gorka Rubio/ Foku

Beste 30 pertsona hil dira COVID-19arekin Araban, Bizkaian eta Gipuzkoan

Berria

Koronabirusaren bilakaeraren berri eman du Osakidetzak: 180 lagun daude ospitaleratuta gaitzarekin, eta horietako hamabost ZIUetan daude.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.