Sute handia izan da goizean Promevisa izeneko txatartegi batean, Trapagarango industrialdean (Bizkaia). 07:00ak aldera eman diete abisua suhiltzaileei, eta sei etxetako langileak joan dira hara. Egoera kontrolpean daukate, eta lanean jarraitzen dute. Ez dute adierazi zerk eragin duen ezbeharra.
Bizkaiko Foru Aldundiak esan du lau ordu behar izan dituztela suaren indarra baretzeko, eta denbora gehiago beharko dutela guztiz itzaltzeko.
Imagenes incendio empresa de residuos Ibarzaharra #Trapaga controlado #Bomberos trabajando, la extinción llevará tiempo
— Bomberos Bizkaia (@BomberosBizkaia) February 2, 2020
Trapagaran, txatarra lantegi bateko #sutea _ren irudiak, kontrolpean, amatatzeko luzea izango da #Suhiltzaileak lanean@112_SOSDeiakpic.twitter.com/VvGXBK2DRA
Aldundiak inguruan bizi direnei eskatu die etxeetako leihoak ixteko, nahiz eta argi utzi duten ez dagoela osasunerako arriskurik.
Sutea enpresaren barruan piztu da, eta «ikusgarria» izan da; material asko dago han, eta ke ugari zabaldu du inguruan. Istripuan ez da inor zauritu.
