AEB-ak

Keinu borroka Trump eta Pelosiren artean

AEBetako presidenteak agurra ukatu dio Kongresuko presidenteari, eta hark Trumpen hitzaldiaren paperak apurtu ditu.

Edu Lartzanguren -

2020ko otsailak 5

Batasunaren Egoeraren eztabaidaren hirugarren saioa egin dute bart AEBetako Kongresuan, eta Donald Trump presidentea eta Nancy Pelosi Kongresuko burua keinu borrokan murgildu dira.

«Beste lau urte» oihuka eskatuz hartu dute kongresukide errepublikanoek Trump, udazkenean hauteskundeak daudela gogoratuta. Etxe Zuriko burua hizlarien lekura igo denean, Pelosik eskua luzatu dio, baina Trumpek ez dio bostekoa eman. Hitzaldi baikorra egin du ondoren presidenteak. Ekonomiaren egoera goraipatu du, eta langabezia asko jaitsi dela. «Kementsu gaude oraindik. Eguzkia irteten ari da oraindik. Jainkoaren graziak argitzen gaitu oraindik», esan du Trumpek. «Eta, herrikideok: hoberena etortzeko dago», hitzekin amaitu du hitzaldia.

Pelosik, orduan, kameren aurrean eta Trumpen atzean, presidentearen hitzaldia zeukaten paperak apurtu ditu. «Egin nezakeen gauzarik dotoreena izan da, beste aukerak kontuan hartuta», erantzun du Pelosik gero, hitzaldia zergatik apurtu duen galdetu diotenean. «Apurtu egin dut, hartan egiazko hitz bakar bat topatzen saiatzeko».

Ika-mika latzean daude murgilduta bi agintariak, Pelosik bultzatu baitu Trump kargugabetzeko prozesua. Izan ere, gaur bozkatuko du AEBetako senatuak gaiaren inguruan, eta, ziurrenera, errugabetu egingo du presidentea.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©PEDRO PUENTE HOYOS / EFE

«'Pandemiaren urteak', esan nuen. Urteak izango direlakoan: urteak»

Arantxa Iraola

Aurrera urratsa egin, eta hedabideetan naro-naro dabilen zientzialarietako bat da Del Val; txertoa lortzeko prozesuak oso azkar doazela onartu du, baina uste du une aski zailak eragin ditzakeela oraino ere izurriak.

Osasun langile bat, PCR proba bat egiten Donostian. ©IDOIA ZABALETA / FOKU

Kutsatuen kopuruak gora egin du berriz Hegoaldean: 750 kasu atzeman dituzte

Edurne Begiristain

Positiboek gora egin dute Gipuzkoan ez beste lurraldeetan. Agerraldi berriak atzeman dituzte Azkoiengo eta Elizondoko zahar etxeetan

Protesta bat Gasteizen. ©E.PORTILLO/ FOKU

Arabako zahar etxeak ere, grebara

Erredakzioa

Hiru lanuzte egingo ditute, ELAk, LABek, UGTk eta CCOOk deituta, «prekarizazioa» salatzeko

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna