Albistea entzun

Indarkeria matxista

Donibane Garaziko ikasleen ustezko bi erasotzaile lizeotik kanporatu dituzte, behin-behinean

France Bleu Pays Basque irratiak zabaldu du hamar eguneko epean diziplina batzordearen aitzinetik pasatuko direla, Hezkuntza Nazionaleko iturrien arabera.

Nafarroa lizeoaren argazki bat, artxibokoa.
Nafarroa lizeoaren argazki bat, artxibokoa. GUILLAUME FAUVEAU Tamaina handiagoan ikusi

Oihana Teyseyre Koskarat -

2020ko otsailak 5 14:33

17 eta 18 urte dituzte joan den astean atxilotu zituzten bi mutilek; Donibane Garaziko Nafarroa lizeoko bi ikasle adingaberen bortxaketarekin zerikusia dutelakoan atxilotu zituzten. Jendarmeriak libre utzi zituen ustezko erasotzaileak —Nafarroa lizeoko ikasleak horiek ere—, baina lizeotik kanporatu dituzte behin-behinean; hamar eguneko epean diziplina batzordearen aitzinean pasatuko direla iragarri du France Bleu Pays Basque irratiak, Hezkuntza Nazionalaren iturriak aipatuta. Frantziako irrati publikoaren arabera, momentuko ikerketapean dira, eta ez dute abiatu haien kontrako auzibiderik.

Gertakariak joan den astekoak izanik ere, atzo goizean zabaldu zuten berria. Marc Marie Baionako prokuradoreak baieztatu du bi neskek salaketa ezarri dutela, baina ez du xehetasunik eman nahi izan, ikerketa Donibane Garaziko Jendarmeriaren esku dagoela argudiatuta. Ez du gehiagorik esan nahi izan kasuari buruz. «Afera honetan zuhurki jokatu behar dugu, eta pertsona horiek eman diguten informazioa egiaztatzen jardun behar dugu», adierazi dio Baionako prokuradoreak BERRIAri.

Euskal Irratien arabera, iragan ostegunean lizeo bereko beste lau ikasle atxilotu zituzten, bortxaketarekin zerikusia zutelakoan. Herriko Jendarmerian entzunak izan ondotik, aske utzi zituzten ustezko erasotzaileak: hiru, ikerketapean, eta beste bat, aske. Marc Marie prokuradoreak ez du zehaztu zenbat diren atxilotutako gazteak, eta horien kontrako kontrol neurririk hartu ote duten.

Gainerakoan, isiltasuna da nagusi. Ikastetxeko zuzendariak ez du azalpenik eman nahi izan, eta Hezkuntza Nazionalaren zerbitzuen esku utzi du aferari buruzko adierazpenak egiteko ardura. BERRIAk akademia ikuskaritzara jo du, baina ez du erantzunik jaso. Donibane Garaziko Jendarmerian ere ez dute adierazpenik egin nahi izan. Euskal Irratiek sare sozialetan zabaldutakoaren arabera, ikastetxetik kanpo gertatu zen bortxaketa, joan den astean. Bi neska adingabeak eta ustezko bortxatzaileak lizeoko barnetegiko ikasleak dira.

Gertatutakoa salatu du, besteak beste, Aitzina gazte erakundeak: «Hezkuntza sistema heteropatriarkalaren fruitu da bortxaketa hau, gizonezkoei inpunitatea bermatzen dien sistemaren ondorio». EH Baik ere salatu ditu gertakariak, eta Ikasleon Borroka dinamikak Euskal Herriko ikastetxeetan protestak iragarri ditu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Nafarroako Ospitaleko ZIUetako gela bat, artxiboko irudi batean. ©Jesus Diges, EFE

Urtarriletik koronabirusak jota jende gutxien hil den astea izan da aurrekoa Hegoaldean

Uxue Rey Gorraiz

90 pertsona hil dira koronabirusak jota azken astean Hegoaldean, iragan astean baino 33 lagun gutxiago. Urtarril hasieratik erregistratu den daturik apalena da heriotzei dagokienez. Beste 468 COVID-19 kasu detektatu dituzte Hego Euskal Herrian, ia 12.000 test eginda.

Osasun langile bat adineko pertsona bati txertoa jartzen kotxean, gaur, Donostiako ospitalean ©Gorka Rubio/ Foku

Hasi dira 100 urtetik gorakoak txertatzen Araban, Bizkaian eta Gipuzkoan

Edurne Begiristain

90 eta 100 urte bitartean daudenak izango dira txertoa jasotzen hurrengoak: 39.000 pertsona inguru. Gotzone Sagarduik jakinarazi du aurki txertatzen hasiko direla tutoretzapeko pisuetako eta etxebizitza komunitarioetako adineko pertsonak, eguneko zentroetako erabiltzaileak, eta etxean dauden menpekotasun handiko pertsonak eta desgaitasunen bat dutenak.

Babestu eta Bizkaiko Pentsiodunen Mugimenduko kideak, atzo, Bilbon. ©MONIKA DEL VALLE / FOKU

Babestuk dudan jarri ditu Bizkaiko Aldundiaren inkestaren emaitzak

Gotzon Hermosilla

Diputazioak dio egoitzetako familiak pozik daudela. Murilloren dimisioa eskatu dute senideek

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna