Noiz sortua: 2020-02-06 13:09:28

Enpresak

CAFek 100 milioi euroren kontratuak lortu ditu Eskandinavian

Oslo-Bergen trenen mantentze lanak egingo ditu bederatzi urtez. Beste bost metro unitate egingo ditu Helsinkirako.

CAFek Helsinkirako egindako metro bat.
CAFek Helsinkirako egindako metro bat. CAF Tamaina handiagoan ikusi

Iker Aranburu -

2020ko otsailak 6

Norvegiako kontratua Euromaint erosi izanaren ondorio da. 2019. urtean erosi zuen Suediako konpainia hori CAFek, ohartuta trenak egitea ez ezik horien mantentze lanak egitea negozio handia dela. CAFek hainbat kontratu lortu ditu azken urteetan Eskandinavian, eta horiek hornitzeko enpresa interesgarria da Euromaint.

Berez, Euromaintek Norvegian lortutako lehen kontratua da 2019. urtearen amaieran lortu baina orain jakinarazitakoa. Haren bidez, CAFen filialak Bergensbanan izeneko trenbidean ibiltzen diren trenak konponduko eta mantenduko ditu datozen bederatzi urteetan, VY konpainiarentzat. Tren horrek Oslo hiriburua eta Bergen hiria lotzen ditu, eta Europa iparraldean garaiera handienean zirkulatzen duena da.  

Lan gehienak Bergenen bertan egingo ditu CAFek, linea horretarako mantentze lanetarako tailer berria ari baitira eraikitzen.

Eskandinavian ere, Finlandian, CAFek kontratua zabaldu du Helsinkiko metroa kudeatzen duen HKL Helsingin Kaupungin Liikennelaitos enpresarekin. Horren bidez, gaur egun zirkulazioan dauden hogei metro unitateei beste bost gehituko dizkie Beasaingo konpainiak. M300 seriekoak izango dira, eta bakoitzak lau bagoi izango ditu.

Trenez gain, horietarako ordezko piezen hornikuntza jasotzen da esleipenean. Unitateak 2022. urterako emango ditu CAFek.

Autobusak Katalunian

Autobus elektrikoen negozioan ere sartuta dago CAF, lehenik Vectiaren bidez, eta ondoren Polonian erositako Solarisen bitartez. Azken horren hamalau autobus artikulatu erosi dizkio Bartzelonako garraio publikoen kudeatzaileak, TMBk.

H16 ibilbidea egingo dute autobus horiek (Passeig Zona Franca - Foro / Besòs Campusa). 

Solarisen New Urbino modelokoak dira. 18 metroko luzera izango dute, eta bateriak kargatzeko pantografoekin ekipatuta egongo dira. Kargatzea bizkor egin ahal izango dute ibilbidean, eta modu mantsoagoan autobusak deposituan gordeta dauden bitartean. Unitateak Kataluniako hiriburuan 2021. urtearen hasieran zerbitzuan jarriko dituztela aurreikusi dute.

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta, gaineratu duenez, ikerketak ez ditu “gizabanakoen mugimenduak atzemango”, baizik datu “anonimoak eta multzoka”.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Oposizioak «gardentasun falta» egotzi dio Urkulluri

Irati Urdalleta Lete

Iñigo Urkullu Jaurlaritzako lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta. Argudiatu du «osasun arduradunen ezagutzan eta unean-unean jasotako informazioan oinarrituta» jokatu dutela.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzala eskatzeko. Ohartarazi du oinarrizko zerbitzu batzuk «kolapsoan» daudela. ELAk, berriz, materiala bermatzeko eskatu dio EAEko Auzitegi Nagusiari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna