Irlandako Errepublika

Sinn Feinek koalizio gobernua osatzeko negoziazioak abiatu ditu

Mary Lou McDonald buru duen alderdiak ezkerreko indarren babesa eskuratu nahi du gobernu berria eratzeko. Koaliziokide posibleei zaila iruditzen zaie behar adina babes lortzea.

Mary Lou McDonald, iragan igandean, Sinn Feinen emaitzak ospatzen.
Mary Lou McDonald, iragan igandean, Sinn Feinen emaitzak ospatzen. Aidan Crawley / EFE Tamaina handiagoan ikusi

Ander Perez Zala -

2020ko otsailak 12

Sinn Feinek Irlandako Errepublikako lehen ezkerreko gobernua osatu nahi du, eta horri begirako negoziazioak abiatuko ditu gaur. Mary Lou McDonald buru duen alderdiak 37 diputatu eskuratu zituen iragan igandean egindako hauteskundeetan, 80ko gehiengo osotik urrun, eta, hortaz, ezkerreko alderdi txikien babesa beharko du koalizio gobernua osatzeko. Hori da McDonaldek lehenetsi nahi duen bidea, Fine Gael eta Fianna Fail boterera itzul ez daitezen.

Pearse Doherty diputatua izango da Sinn Feinen negoziazioburua, eta, atzo gauean RTE kateari esan zionez, «antzeko pentsatzen duten alderdiekin» batzartuko dira egunotan. Hau da: Alderdi Berdearekin —hamabi diputatu ditu—, Alderdi Laboristarekin —sei boto ditu—, sozialdemokratekin —sei boto ditu— eta Elkartasuna-Jendea Irabazien Aurretik-ekin —bost—; horien babesa lortuko balu, Sinn Feinek 29 boto gehiago ziurtatuko lituzke inbestidura saiorako. Kopurua, ordea, ez litzateke gehiengo osora iritsiko, eta McDonaldek gutxienez hamalau diputatu independenteren babesa beharko luke lehen ministro bilakatzeko.

Ordezkari independenteetako batzuk prest agertu dira Sinn Feini babesa emateko, betiere beren eskariak betetzen badituzte. Koaliziokide posibleen artean, berriz, giroa ez da oso baikorra, gehiengo osoa ziurtatzeko kopururik ez dagoela argudiatu baitute egunotan, hizketak hasi aurretik.

Richard Boyd-Barrett Elkartasuna-Jendea Irabazien Aurretik-en diputatuak ideia hori helarazi du, eta bide beretik jo du Roisin Shortall alderdi sozialdemokrataren buruzagiak; Brendan Howlin laboristen buruak, gainera, ez du hain argi koalizio horretan parte hartzea, eta gaur bere diputatuei adieraziko die nahiago duela kanpotik babesa eman. Halere, Sinn Feinekin hitz egiteko asmoa berretsi dute.

McDonaldek oso zail izango du koalizio gobernu bat osatzea, eta litekeena da porrot egitea saiakera horretan. Horren zain daude igandean ordezkaritza handiena lortu zuen Fianna Fail —38 diputatu— eta Leo Varadkar jarduneko lehen ministroaren Fine Gael —35—; kanpainan, bi alderdi horiek adierazi zuten ez dutela koaliziorik osatuko Sinn Feinekin, ezta euren artean ere. McDonaldek bide beretik jo zuen, hamarkada luzez bipartidismoa osatu duten bi indarrak gabe sortu nahi duelakoan gobernua.

Ikusteko dago, hortaz, hiru alderdi horiek kanpainan esandako jarrerei eutsiko dioten. Fianna Failen, barne eztabaida handia dute Sinn Feinekin elkartzearen inguruan, eta McDonalden alderdiak ez dio atea itxi aukera horri, bide gogokoena ez den arren. Parlamentu berria datorren asteko ostegunean osatuko dute, baina inork ez du espero egun horretarako negoziazioek arrakasta izango dutenik.

Varadkarrek ez du ezer baztertzen

Gaurko negoziazio sortaren aurretik, jarduneko lehen ministroak adierazi du testuinguru guztiak daudela zabalik, eta ez duela ezer baztertzen, bigarren hauteskundeak barne: «Edozer da posible datorren asteetan».

Varadkarrek aitortu du «garaituak» izan direla iragan asteko hitzorduan, eta prest agertu da oposiziora joateko: «Herritarrek oposiziora joateko esan digute, eta hori egiteko prest gaude». Iragan agintaldian, Fine Gael egon zen boterean, Fanna Failen kanpoko babesa jasota. Ordea, bi alderdiek bozen kanpainan adierazi zuten ez zutela akordio hori errepikatu nahi.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ezkerretik eskuinera, Inma Moro, Itziar Llanera eta Begoña Olaskoaga, Arrondegiko osasun etxean. ©LUIS JAUREGIALTZO / FOKU

Aztarnariak zaintzaile

Maite Asensio Lozano

Koronabirusean positibo eman dutenen gertuko kontaktuak bilatzea baino gehiago da aztarnari sistemako kideen lana: gaitzari eta bakartzeari buruzko informazioa emateaz edota zailtasunak dituztenen jarraipena egiteaz ere arduratzen dira.

PCR proba bat, Donostian. ©Idoia Zabaleta, FOKU

Beste 855 positibo atzeman dituzte Hegoaldean

Uxue Rey Gorraiz

Inoiz baino PCR proba gehiago egin dituzte azken egunean: 14.298, zehazki. Horietatik 855 kasutan detektatu dute birusa. 337 Nafarroan detektatu dituzte. Aurreko egunean, laurehunetik gora izan ziren lurralde horretan, lehenbiziko aldiz.

Miren Basaras, EHUko COVID-19aren Zaintza Batzordeko arduraduna. ©EHU

EHUk Miren Basaras izendatu du COVID-19aren Zaintza Batzordearen arduradun

Mikel O. Iribar

Mikrobiologoa eta EHUko irakaslea da Basaras, eta koronabirusaren ikerkuntzan badu esperientziarik. Zaintza Batzordearen lehen erronka EHUko egoera epidemiologikoa zein den aztertzea izango da. 

Moto gidari bat gaur goizean, herritik ateratzeko kontrolean. / ©Idoia Zabaleta, Foku

Sarbideak itxita eta kaleak hutsik Azkoienen

Berria

Normaltasuna izan da nagusi konfinamenduaren lehen orduetan. Herritik irten diren ia denak lan arrazoiengatik irten direa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna