Albistea entzun

Sindikatuetako ordezkariak Jaurlaritzaren Bilboko egoitzan itxi dira, lan istripuak salatzeko

Hainbat minutu egin dituzte han, Jaurlaritzak lan istripuetan duen erantzukizuna salatzeko.

Itxialdiko irudia.
Itxialdiko irudia. @LABsindikatua Tamaina handiagoan ikusi

Gotzon Hermosilla -

2020ko otsailak 12

Aurten lan istripuetan 11 lagun hil izana eta Zaldibarko hondakindegiko ezbeharra —bi langile desagertuta daude— salatzeko agerraldia egitekoak ziren sindikatuak, Eusko Jaurlaritzaren Bilboko egoitzaren aurrean. Sindikatuetako ordezkariak, ordea, egoitza barrura sartu dira, itxialdia egiteko asmoz. Eserialdi bat egin dute han, eta, ordu erdi inguru barruan egon ostean, atera egin dira. Ertzainak sartu dira barrura, eta ekintza grabatzen ari zen lagun bat identifikatu dute, testiguek diotenez.

ESK sindikatuko Isabel Castrok eta Steilas sindikatuko Nagore Landak nabarmendu dute Jaurlaritzak erantzukizuna duela 40 egunean 11 langile hil eta bi desagertu izan direlako, eta horregatik egin dutela protestaldia han: «Bada garaia Jaurlaritzak langileen biziak jar ditzan bere lagunen irabazien aurretik». Gainera, sindikatuek dei egin dute bihar Bilboko Arriaga plazatik 18:30ean egingo den manifestazioan parte hartzera.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Nord Stream 1 gasbidea, Alemanian sartzen den lekuan. ©STEFAN SAUER / EFE

Berlinek eta Moskuk «sabotajetzat» jo dituzte Nord Streameko isuriak

JokinSagarzazu

Gertakariak ez du eraginik izango Europarako gas horniduran, gaur egun bi gasbideak ez baitaude martxan. Danimarkako Gobernuak energia alorreko larrialdia ezarri du herrialdean
Mahats bilketa betean ari dira egunotan Bastidan. ©JAIZKI FONTANEDA / FOKU

Lehortearen uztak bilketa astuna dakar

X. Martin

Eguraldi lehorrak %20 inguru apalduko du 2022ko uzta Arabako Errioxan. Mahats aleak txikiak dira, eta azidotasun apala dute. Litekeena da horrek urteko ardoen kalitatean eragitea, baina egurrerako gordetzen den zukua ez du zertan hondatu. Bastidako kooperatiban buru-belarri dabiltza jadanik mahats bilketan.
Arabako Mahastiak ez da aurten hasiko, «baimena ez delako garaiz iritsi»

Arabako Mahastiak ez da aurten hasiko, «baimena ez delako garaiz iritsi»

Xabier Martin

Mahats bilketa betean dira jadanik Arabako Errioxan, eta sor-marka berria abiarazteko prest daudenek onartu dute beren ardoak Errioxako izenean jarraituko duela aurten
Hauteskunde sindikaletarako ELAren kanpainaren aurkezpena. Erdian, Mitxel Lakuntza idazkari nagusia. ©BERRIA

Sindikatuek ordezkarien erdiak izango dituzte jokoan ekainera bitarte

Imanol Magro Eizmendi

Hurrengo bederatzi hilabeteetan hauteskunde sindikalak abiatuko dituzte Hego Euskal Herriko lantoki handietako gehienetan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...