EUSKARA

B2 mailako azterketa gainditzen duten euskara ikasleei ikastaroaren dirua itzuliko diete

A1, A2 eta B1 mailetan nahikoa izango da euskaltegien bidez maila egiaztatzea. %75eko asistentzia bermatu beharko dute maila guztietan.

Bingen Zupiria Eusko Jaurlaritzako Hizkuntza Politikako sailburua, euskaltegi batean.
Bingen Zupiria Eusko Jaurlaritzako Hizkuntza Politikako sailburua, euskaltegi batean. Monika Del Valle / Foku Tamaina handiagoan ikusi

Igor Susaeta -

2020ko otsailak 12

Arabako, Bizkaiko eta Gipuzkoako HABEko euskaltegietan, B2 mailara arte euskara ikasten ari diren ikasleek ikastaroa doan egin ahal izango dute Eusko Jaurlaritzak, hiru foru aldundiek eta Eudel Euskal Udalen Elkarteak lortutako akordioaren ondorioz. Diru laguntzak eskuratu ahal izateko, B2 mailako ikasleek maila horretako azterketa gainditu beharko dute. A1, A2 eta B1 mailetako ikasleen kasuan, azterketa bat gainditu beharrean, nahikoa izango da euskaltegiek beraiek egiaztatzea maila gainditzeko moduan daudela. Maila guztietakoek %75eko asistentzia bermatu beharko dute. Aurtengo irailetik aurrera, ordea, B2 mailako ikasleentzat ere nahikoa izango da euskaltegiek beraiek egiaztatzea haien gaitasuna.

Prozesuari dagokionez, aurtengo urtarriletik irailera arte A1, A2, B1 edo B2 maila gainditzen dutenek abenduan jasoko dute diru laguntza. Ia lau milioi euroko aurrekontua adostu dute instituzioek egitasmorako. Jaurlaritzak hiru milioi euroko ekarpena egingo du —2018an baino 1,2 milioi euro gehiago, Jaurlaritzaren beraren arabera—, Arabako Diputazioak 185.000 eurokoa, Bizkaikoak 480.000 eurokoa, Gipuzkoakoak 42.000 eurokoa eta Eudelek 221.000 eurokoa.

Prentsaren aurrean egindako agerraldian erakundeek jakinarazi dutenez, C1 eta C2 mailako ikasleei ere diru laguntzak emango dizkiete, «baina kasu horietan ezingo da erabateko doakotasuna bermatu». Bingen Zupiria Eusko Jaurlaritzako Kultura eta Hizkuntz Politikako sailburuak adierazi duenez, «euskararen ezagutza sustatzen eta indartzen» jarraitu behar da. Diru laguntzen sistemari dagokionez esan du horrek «ikasleen konpromisoarekin» lotuta egon behar duela. «Euskaltegietara joatea eta ikasteko prozesuan aurrera egitea eskatuko zaie».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ezkerretik eskuinera, Inma Moro, Itziar Llanera eta Begoña Olaskoaga, Arrondegiko osasun etxean. ©LUIS JAUREGIALTZO / FOKU

Aztarnariak zaintzaile

Maite Asensio Lozano

Koronabirusean positibo eman dutenen gertuko kontaktuak bilatzea baino gehiago da aztarnari sistemako kideen lana: gaitzari eta bakartzeari buruzko informazioa emateaz edota zailtasunak dituztenen jarraipena egiteaz ere arduratzen dira.

PCR proba bat, Donostian. ©Idoia Zabaleta, FOKU

Beste 855 positibo atzeman dituzte Hegoaldean

Uxue Rey Gorraiz

Inoiz baino PCR proba gehiago egin dituzte azken egunean: 14.298, zehazki. Horietatik 855 kasutan detektatu dute birusa. 337 Nafarroan detektatu dituzte. Aurreko egunean, laurehunetik gora izan ziren lurralde horretan, lehenbiziko aldiz.

Miren Basaras, EHUko COVID-19aren Zaintza Batzordeko arduraduna. ©EHU

EHUk Miren Basaras izendatu du COVID-19aren Zaintza Batzordearen arduradun

Mikel O. Iribar

Mikrobiologoa eta EHUko irakaslea da Basaras, eta koronabirusaren ikerkuntzan badu esperientziarik. Zaintza Batzordearen lehen erronka EHUko egoera epidemiologikoa zein den aztertzea izango da. 

Susanna Paavilainen eta haren txakurra, Kossi, Helsinkiko aireportuan lanean, atzo. ©MAURI RATILAINEN / EFE

Koronabirusa atzemateko txakurrak erabiltzen hasi dira Finlandian

Edu Lartzanguren

Helsinkiko aireportuan hasi ziren lanean atzo animaliokin. Azterketen arabera, txakurrok kasuen ia %100 usaintzen dituzte, kutsaturiko pertsonak oraindik sintomarik garatu ez baditu ere.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna