Katalunia

Forcadelli baimena eman diote espetxetik ateratzeko astean hiru egunetan

Mas d'Enric kartzelako tratamendu batzordeak azaldu du Kataluniako Parlamentuko presidente ohiak familiako kide bat zainduko duela.

Carme Forcadell Parlamentuko presidente ohia Espainiako Auzitegi Gorenean deklaratzen, iazko otsailean.
Carme Forcadell Parlamentuko presidente ohia Espainiako Auzitegi Gorenean deklaratzen, iazko otsailean. EFE Tamaina handiagoan ikusi

Berria -

2020ko otsailak 12

Carme Forcadell Kataluniako Parlamentuko presidente ohiari Mas d'Enriceko espetxetik (Herrialde Katalanak) ateratzen utziko diote astean hiru egunetan, egunean bederatzi orduz, boluntario gisa lan egiteko, eta adin handiko familiako kide bat zaintzeko. Generalitateko Justizia Kontseilaritzak gaur eman du erabakiaren berri; 100.2 artikulua ezarriko dute, Jordi Cuixarten eta Jordi Sanchezen baimenekin egin duten bezala.

Forcadelli Mas d'Enricetik ateratzeko eman dioten baimena berehala jarriko dute indarrean, baina espetxe zaintzako epaitegiak eman behar dio abala. Egunero espetxean igaro beharko du gaua. Parlamentuko presidente ohia 2018ko martxoaren 23an sartu zuten kartzelan, eta orain eman diote handik ateratzeko lehen baimena.

Era berean, Justizia Kontseilaritzak adierazi du ez dutela emango Forcadellen irteera egunen berri, eta ez dutela esango zer erakundetan egingo duen lan boluntario gisa.

Lledonersko espetxeko (Herrialde Katalanak) tratamendu batzordeak gauza bera egin du Cuixartekin eta Sanchezekin. Sanchezek egunean 11 ordu igaro ditzake kartzelatik kanpo, astean hiru egunetan, borondatezko lana egiteko. Cuixartek, berriz, astean bost egunetan egin dezake lan, 9,5 ordu egunean. Biek kartzelara itzuli behar dute lotara.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ezkerretik eskuinera, Inma Moro, Itziar Llanera eta Begoña Olaskoaga, Arrondegiko osasun etxean. ©LUIS JAUREGIALTZO / FOKU

Aztarnariak zaintzaile

Maite Asensio Lozano

Koronabirusean positibo eman dutenen gertuko kontaktuak bilatzea baino gehiago da aztarnari sistemako kideen lana: gaitzari eta bakartzeari buruzko informazioa emateaz edota zailtasunak dituztenen jarraipena egiteaz ere arduratzen dira.

PCR proba bat, Donostian. ©Idoia Zabaleta, FOKU

Beste 855 positibo atzeman dituzte Hegoaldean

Uxue Rey Gorraiz

Inoiz baino PCR proba gehiago egin dituzte azken egunean: 14.298, zehazki. Horietatik 855 kasutan detektatu dute birusa. 337 Nafarroan detektatu dituzte. Aurreko egunean, laurehunetik gora izan ziren lurralde horretan, lehenbiziko aldiz.

Miren Basaras, EHUko COVID-19aren Zaintza Batzordeko arduraduna. ©EHU

EHUk Miren Basaras izendatu du COVID-19aren Zaintza Batzordearen arduradun

Mikel O. Iribar

Mikrobiologoa eta EHUko irakaslea da Basaras, eta koronabirusaren ikerkuntzan badu esperientziarik. Zaintza Batzordearen lehen erronka EHUko egoera epidemiologikoa zein den aztertzea izango da. 

Moto gidari bat gaur goizean, herritik ateratzeko kontrolean. / ©Idoia Zabaleta, Foku

Sarbideak itxita eta kaleak hutsik Azkoienen

Berria

Normaltasuna izan da nagusi konfinamenduaren lehen orduetan. Herritik irten diren ia denak lan arrazoiengatik irten direa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna