Hilberria

Joxe Mari Auzmendi hil da, Hik Hasi-ren sortzaileetako bat

Minbiziaren ondorioz hil da, gaur. 'Hik Hasi' aldizkariaren eta egitasmo pedagogikoaren bultzatzaileetako bat izan zen.

Joxe Mari Auzmendi, 2018an.
Joxe Mari Auzmendi, 2018an. Jon Urbe / FOKU Tamaina handiagoan ikusi

Berria -

2020ko otsailak 13

Joxe Mari Auzmendi hil da. «Hik Hasi-ko arima», Hik Hasi-k berak heriotzaren berri emateko bere webgunean adierazi duenez. Hik Hasi egitasmo pedagogikoaren eta hark argitaratzen duen Hik Hasi aldizkariaren sortzaileetako bat izan zen, baita koordinatzailea ere, hainbat urtez.

Azkaraten sortu zen (Nafarroa), 1964an, eta minbiziaren ondorioz zendu da, gaur.

Pedagogiari buruzko gogoetak bultzatzen ditu Hik Hasi-k bere argitalpen eta jardunaldietan, eta, egitasmoak berak bezala, gaur egungo hezkuntza ereduari buruzko ikuspegi kritikoa zuen Auzmendik ere. Hik Hasi-k argitaraturiko Euskal Herrian erreferente diren pedagogoak liburuaren arduradunetako bat izan zen, esaterako, eta horri buruz iaz BERRIAk egin zion elkarrizketan adierazi zuen metodologia tradizionalak indar handia zuela gaur egun: «Oraindik ere metodologia tradizionalak indar handia du hezkuntzan, baina gure fokua irakaskuntza aurrerakoia da». Ikasleak erdigunean jartzearen aldeko teoriak bildu zituzten liburuan, besteak beste.

Ikastetxe bakoitzak bere hezkuntza proiektua garatzeko eskubidea defendatzen zuen, eta uste zuen eskola guztiek izan beharko luketela hezkuntza publikoaren parte, pedagogia berritzailea erabiltzen duten eta aitortuta ez dauden eskolak barne. Hezkuntza komunitateak hezkuntza proiektuan parte hartzearen alde egiten zuen. Honela esan zion BERRIAri 2018an egindako elkarrizketa batean: «Komunitateak ez badu erabakitzeko ahalmenik, ez da proiektuaren parte sentitzen, eta besteen esku uzten dituzte egitekoak. Antolaketa leku zentralizatu batetik egiten bada, hara bideratuko ditugu erantzukizun eskaerak, eta, sarri, guri dagozkigu ardura asko».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga Jaurlaritzako Osasun sailburua agerraldi batean. ©Javier Etxezarreta/EFE

Murga: «Hau bigarren olatua da»

Olatz Esteban Ezkati

Azken orduetan nabarmen ugaritu dira kasuak Araban, Bizkaian eta Gipuzkoan. 338 positibo atzeman dituzte.

Aguraingo plaza. ©Aritz Loiola/FOKU

Aguraingo Kokolo tabernan izan direnei proba egitera joateko eskatu die Jaurlaritzak

Berria

Uztailaren 29tik abuztuaren 2ra han egon zirenei egin die deia.

Haurrak eta hezitzaile bat Baztango haur eskolan. ©JAGOBA MANTEROLA / FOKU

Haur eskolak talde iraunkorrekin abiatuko dira Nafarroan

Olatz Esteban Ezkati

Lau egoera posible irudikatu ditu Hezkuntza Sailak, eta COVID-19aren bilakaeraren arabera ezarriko da bat edo beste. Jantoki zerbitzua bermatuko dutela esan du gobernuak

Pentsiodunek agerraldia egin zuten, atzo, Justizia jauregiaren aurrean, Bilbon. ©ARITZ LOIOLA / FOKU

Pentsiodunek pandemiako testigantzen txostena aurkeztuko diote fiskaltzari

Maialen Arteaga

Irailaren 7an bilduko dira Arabako, Bizkaiko eta Gipuzkoako fiskalarekin, pandemiako testigantzak biltzen dituen txostena emateko

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna