Eusko Legebiltzarrerako bozak

Martinezen eta Gorrotxaregiren arteko hautagaitza bateratua, urrunago

Ahal Dugu-ko lehendakarigai izateko lehian jarraituko dute Rosa Martinezek eta Miren Gorrotxategik. Zerrenda bateratua egiteko aukera baztertu du Martinezek.

Rosa Martinezen hautagaitzaren manifestuaren aurkezpena, gaur goizean, Gasteizen.
Rosa Martinezen hautagaitzaren manifestuaren aurkezpena, gaur goizean, Gasteizen. Ahal Dugu Tamaina handiagoan ikusi

Edurne Begiristain -

2020ko otsailak 14

Bi aste eta erdi falta dira Ahal Dugu-k Eusko Jaurlaritzako lehendakarigaia aurkezteko epea amaitzeko (martxoaren 2an amaituko da epea), eta gero eta urrunago dago Miren Gorrotxategiren eta Rosa Martinezen artean zerrenda bateratua osatzeko aukera. Joan den astean, Gorrotxategik Zubiak izeneko hautagaitzan sartzea eskaini zion Martinezi, «batasunaren eta integrazioaren aldeko» keinu gisa. Haatik, Martinezek berak gaur goizean baztertu egin du aukera hori, bere hautagaitzaren manifestu bat aurkezteko egindako agerraldian.  Adierazi du eztabaida horiek alderdi «barruan» eman behar direla eta uko egin dio gaiaz jendaurrean eztabaidatzeari. Gainera, adierazi du Gorrotxategiren estrategiak eta berak dituenak «ezberdinak» direla. Herenegun, Lander Martinez Ahal Dugu-ko idazkari nagusia argiago mintzatu zen, eta Gorrotxategiri zerrenda bateratua lortzeko negoziazioak «alde bakarretik haustea» leporatu zion. Izan ere, bezperan, Gorrotxategik berak iragarri zuen Martinezek uko egin ziola zerrendak bateratzeko proposamenari.

Gaur goizean, Gorrotxategik Radio Euskadin adierazi du hautagaitza osatzeko garaian oinarrien iritzia kontuan izan duela. Azaldu du Pablo Iglesiasen babesa duela, baina horrek ez duela esan nahi Iglesiasek haren aldeko kanpaina egingo duenik: «Baina harreman estua dut, nire asmoen berri ematen diot, eta berak oniritzia ematen dit». Horrez gain, kritikatu egin du Elkarrekin Podemosek Eusko Jaurlaritzarekin lortutako aurrekontu akordioa: «Nire anbizioa kopuru txiki batzuk lortzetik harago doa». Halaber, baztertu egin du Ahal Dugu-k EAJrekin gobernatzea: «Ez da naturala». EH Bildu, PSE-EE eta Podemosen arteko itunak nahiago dituela esan du.

Guztion Aukera

Gaur goizean, berriz, Rosa Martinezen hautagaitzaren aurkezpena egin dute Gasteizen, Eusko Legebiltzarraren parean. Martinezekin batera izan dira Lander Martinez, Cristina Makazaga eta Julen Bollain. Guztion Aukera izena du hautagaitzak, eta manifestu bat ere aurkeztu dute agerraldian. Manifestuan, Martinezen hautagaitzaren hainbat konpromiso eta erronka bildu dituzte. Besteak beste, ekonomia «larrialdi klimatikora eta digitalizaziora» egokitu nahi dute, indarkeria matxistari aurre egin nahi diote eta estatutu berri bat onartu nahi dute. Aurkezpenean, Ahal Dugu-ko idazkari nagusiak adierazi du apirileko hauteskundeetara Equo eta Ezker Anitzarekin batera aurkeztu nahiko luketela berriz, koalizioak «ezin hobeto» funtzionatu duelako orain arte. Dagoeneko bi alderdi horiekin hasi dituzte negoziazioak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ezkerretik eskuinera, Inma Moro, Itziar Llanera eta Begoña Olaskoaga, Arrondegiko osasun etxean. ©LUIS JAUREGIALTZO / FOKU

Aztarnariak zaintzaile

Maite Asensio Lozano

Koronabirusean positibo eman dutenen gertuko kontaktuak bilatzea baino gehiago da aztarnari sistemako kideen lana: gaitzari eta bakartzeari buruzko informazioa emateaz edota zailtasunak dituztenen jarraipena egiteaz ere arduratzen dira.

PCR proba bat, Donostian. ©Idoia Zabaleta, FOKU

Beste 855 positibo atzeman dituzte Hegoaldean

Uxue Rey Gorraiz

Inoiz baino PCR proba gehiago egin dituzte azken egunean: 14.298, zehazki. Horietatik 855 kasutan detektatu dute birusa. 337 Nafarroan detektatu dituzte. Aurreko egunean, laurehunetik gora izan ziren lurralde horretan, lehenbiziko aldiz.

Miren Basaras, EHUko COVID-19aren Zaintza Batzordeko arduraduna. ©EHU

EHUk Miren Basaras izendatu du COVID-19aren Zaintza Batzordearen arduradun

Mikel O. Iribar

Mikrobiologoa eta EHUko irakaslea da Basaras, eta koronabirusaren ikerkuntzan badu esperientziarik. Zaintza Batzordearen lehen erronka EHUko egoera epidemiologikoa zein den aztertzea izango da. 

Moto gidari bat gaur goizean, herritik ateratzeko kontrolean. / ©Idoia Zabaleta, Foku

Sarbideak itxita eta kaleak hutsik Azkoienen

Berria

Normaltasuna izan da nagusi konfinamenduaren lehen orduetan. Herritik irten diren ia denak lan arrazoiengatik irten direa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna