Zabortegian «ezin zehatzago» egiten zuten lan, Verterren esanetan

Enpresak adierazi du neurri guztiak bete izan dituztela beti, hondakinen sektorea «gehien kontrolatutako sektoreetako bat» baita.

Zabortegiko azpiegiturak eta makinak ere jausi ziren ezbeharrean.
Zabortegiko azpiegiturak eta makinak ere jausi ziren ezbeharrean. ARITZ LOIOLA / FOKU Tamaina handiagoan ikusi

Andoni Imaz -

2020ko otsailak 17 12:09

«Kamioia zamaz bete, eta hara eramaten genuen zaborra, inolako birziklatze prozesurik egin gabe. Han denetik ikusi izan dut: material korrosiboen bidoiak, suharberak, amiantoa...». Kamioi gidari batek adierazpen gogorrak egin zizkion BERRIAri igandean. Zortzi urtez egunero joan-etorriak egin ditu Verter Recycling 2002 SM enpresaren zabortegira, eta esan du denetik ikusi zuela lanean ari zenean. Enpresak, ordea, bereari eutsi dio; Zaldibarko zabortegian (Bizkaia) «ezin zehatzago» lan egiten zutela adierazi dio gaur BERRIAri.

Verterrek krisi egoeren kudeaketan espezializatutako Consejeros del Norte aholkularitza enpresa kontratatu du ezbeharraz geroztik komunikazio lanetan aritzeko. Enpresa horrek adierazi du Zaldibarko zabortegian (Bizkaia) «kontrol zorrotzak» egin izan direla beti, hondakinen sektorea «gehien kontrolatutako sektoreetako bat» bat delako. Prozeduretako kontrolik eza nabarmendu zuen kamioilariak, baina enpresakoek ukatu egin dute hori: «Jatorrian, kode bat ematen zieten hondakinei. Baskulan kode hori egiaztatzen zuten, eta han neurtzen zituzten pisua eta bolumena. Hori guztia erregistratu egiten zuten, eta Eusko Jaurlaritzari bidaltzen zioten». Nabarmendu dute Jaurlaritzak ontzat emana zuela prozedura guztia.

Ezbeharra gertatu zen eguneko gauerdian jakin zen amiantoa zegoela zabortegian, 2017tik: hiru urtean, ia 10.000 tona amianto sartu ziren han. Jaurlaritzak ondoren jakinarazi zuen enpresak bazuela amiantoa hartzeko baimena. «Gu amiantoaren gainean ibili izan gara kamioiarekin. Askotan, nola puskatzen zen ere sumatzen nuen», azaldu zuen kamioilariak. «Horrela esanda, badirudi amiantoa solte zegoela hor; fibrozementua eramaten zen», esan du enpresak. «Plastikozko kapsuletan sartzen zuten, behar bezala bildu, eta zabortegira botatzeko prestatzen zuten».

Amiantoarekin lan egiteko material berezia zutela ere esan dute; tresna mekanikoekin deskargatzen zuten, eta erregistratutako lekuetan gordetzen zuten gero, enpresaren esanetan. BERRIAk elkarrizketatutako kamioilariak, berriz, kontatu zuen ez duela jantzi eta material egokirik erabili izan.

«Aldaketa esanguratsurik» ez

Atzo, Vocento taldeko egunkariek kontatu zuten Zaldibarko zabortegia diseinatu zuen enpresak «ia osorik» aldatu zuela Eusko Jaurlaritzak aurrez onartua zuen proiektua. Verterrek 2007an lortu zuen baimena, LKS ingeniaritza enpresak egindako txosten batekin, baina handik gutxira beste enpresa bat kontratatu zuen, proiektu «berri» bat hasteko. Aldaketa horrek zalantza ugari sortu ditu, ez zutelako prozesu administratibo gehiagorik egin zabortegiaren azken proiektua aztertzeko. Verterrek gaur adierazi du Eusko Jaurlaritzak izan zuela proiektu eta enpresa aldaketa horren berri, eta erabaki zuela ez ziotela «aldaketa esanguratsurik» egin proiektuari, eta, beraz, ez zuela merezi baimena emateko beste prozesu bat egitea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Iruñeko kaleak, artxiboko irudi batean. ©Jagoba Manterola / Foku

Nafarroan ezingo da ostalaritza zerbitzuen barnean kontsumitu

Amaia Ramirez de Okariz Kortabarria

Bizikidetza unitate batera murriztu dute espazio pribatuetan elkartzeko aukera.

Antigeno testak, artxiboko irudi batean. ©Gorka Rubio, FOKU

Azken bi hilabeteetako positibo gehien atzeman dituzte Hegoaldean

Uxue Rey Gorraiz

Osakidetzak eta Osasunbideak 1.133 COVID-19 kasu atzeman dituzte astelehenean egindako probetan; azaroaren 19tik erregistratu den kutsatu kopururik handiena da. Jaurlaritzak onartu du «tentsioa» nabaritzen hasi dela Arabako, Bizkaiko eta Gipuzkoako ospitaleetan.

Francisco Guerrero egoiliarra, Pfizerren txertoa jasotzen, Iruñeko El Vergel zahar etxean. ©Nafarroako Gbernua

Pfizerren txertoen erdiak iritsi dira Hego Euskal Herrira

Ion Orzaiz - Arantxa Iraola

Aste honetan iristekoak ziren dosien %56 jaso ditu Osakidetzak, eta %50 Osasunbideak. Auziak kalapita sortu du talde politikoen eta administrazioen artean

Erizain bat, emakume bati koronabirusaren kontrako txertoa jartzen. ©CHRISTOPHE ARCHAMBAULT / EFE

Txertaketari buruzko hainbat argibide

Ion Orzaiz - Arantxa Iraola

Zer immunitate dakar txertoak? Noiz hasten da efektua egiten? Zehazki, zer eragozten du txertoak? Txertaketa kanpainak hainbat galdera sortu ditu, eta horietako batzuei erantzun die BERRIAk, Paco Borrego immunologoaren laguntzarekin. 

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.