Noiz sortua: 2020-02-19 13:32:31

Jaurlaritzak kanpora bidali nahi du Zaldibarrera bideratzen zen zakarra

Elena Moreno Ingurumen sailburuordeak iragarri duenez, zenbait autonomia erkidegorekin harremanetan daude, hondakinak hara bidaltzeko aukera aztertzeko.

Zaldibarko zabortegia.
Zaldibarko zabortegia. Aritz Loiola/Foku Tamaina handiagoan ikusi

Gotzon Hermosilla -

2020ko otsailak 19

Eusko Jaurlaritzako Ingurumen sailburuorde Elena Morenok esan duenez, Jaurlaritza harremanetan jarri da beste zenbait autonomia erkidegorekin, Zaldibarko hondakindegira bideratzeko zuten zakarra hara bidaltzeko aukera aztertzeko. «Euskadik arazo konplexua du industriak sortzen dituen hondakinekin», esan du Morenok; orain, arazoa areagotu egin da Zaldibarko zabortegia erori ostean.

Ingurumen Sailak bilera egin du Aclimarekin, Euskadiko Ingurumen Industrien Kluster Elkartearekin. Hondakinen arloan lan egiten duten enpresak biltzen ditu Aclimak, eta han aztertu dute Zaldibarko zabortegian luizia gertatu osteko egoera. Zaldibarkoa zen Arabako, Bizkaiko eta Gipuzkoako hondakindegi nagusia: urtero 500.000 tona zabor jasotzen zituen, hau da, hiru lurraldeetan sortzen diren industria jatorriko hondakinen %25. Orain, Zaldibarko hondakindegia itxita, arazo larria sortu da.

Larria eta presazkoa: Ingurumen Sailaren asmoa da, ahal dela, datozen egunetan irtenbideren bat topatzea. Izan ere, industria jatorrikoa zen Zaldibarrera bideratutako zakarra, eta soluziorik topatu ezean, arazoak egon daitezke hondakinak hara bideratzen zituzten enpresetan. Morenok esan duenez, oraingoz zenbait lantegietan ari dira zakarra gordetzen, egoera argitu bitartean. «Oraingoz, inongo enpresak ez du produkzioa eten behar izan», adierazi du sailburuordeak.

Morenok eskerrak eman dizkie horrelako hondakinak hartzen dituzten beste bi zabortegiei, Epele (Bergara, Gipuzkoa) eta Gardelegi (Gasteiz), «erakutsi duten jarrera onagatik», baina nabarmendu du irtenbideak «globalagoa» izan behar duela.
Morenok iragarri du industria  hondakinak kanpora bidaltzeak «garestitu» egingo lukeela prozesua, eta horrek «ondorioak» izango lituzkeela ekonomian. Hortaz, «epe laburreko» irtenbidea bilatu nahi dute, baina Ingurumen Sailean badakite «epe erdiko irtenbideez» ere gogoeta egin behar dela, sortutako hondakin kopurua gutxitzeko helburuz.

Eremua egonkortzen jarraitzen dute

Berriro ere, Zaldibarko hondakindegian egiten ari diren lanak zuzentzen dituen mahai teknikoak bilera egin du Zaldibarko udaletxean, eta, amaitutakoan, Ingurumen eta Segurtasun sailetako arduradunek eta teknikariek azalpenak eman dituzte. Esan dutenez, desagertutako langileak topatzea da oraindik ere haien lehentasuna. Hiru eremu zedarritu dituzte, uste dutelako horietan dagoela gorpuak aurkitzeko aukerarik handiena, eta orain lurra egonkortzen ari dira, hiru zona horietara iritsi ahal izateko.

Ertzaintzako erreskate operazioetako kide Asier Urrutiak azaldu ditu orain arte egindako lanak. Esan duenez, ateratzen ari diren hondakin guztiak «eskuz» eta zakurren laguntzaz galbahetzen ari dira, han aztarnaren bat agertuko balitz ere. Egunero 40 bat kamioi zabor ateratzen ari dira, mila tona gutxi gorabehera.

Ingurumen sailburuorde Elena Morenok esan du behin-behineko biltegi bat eraikiko dutela zabortegitik gertu, ateratzen ari diren zaborra oraingoz han gordetzeko. Haren esanetan, biltegi horrek legeak agintzen dituen baldintza guztiak beteko ditu, eta han 100.000 tona inguru gordetzeko lekua egongo da. Horrek esan nahi du hiruzpalau asteko tartea emango diela han ari direnei, lanekin jarraitu ahal izateko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Koronabirusaren azken datuak

Koronabirusaren azken datuak

Berria

Euskal Herrian 12.944 gaixok eman dute positibo koronabirusaren proba eginda. 846 hil dira. COVID-19 gaitza izandako 4.601 pertsonari eman diete alta. Grafikoak, albiste barruan.

Erosketak egiteko ilarak Gasteizen. ©Jaizki Fontaneda / Foku

Osakidetza test azkarrak erabiltzen hasi da

Berria

Italiako Gobernuak herrialdean lehorreratzeko debekua ezarri die Mediterraneoan migratzaileak erreskatatzen dituzten ontziei. «Osasun larrialdiak irauten duen bitartean, ezin dira oinarrizko baldintzak bermatu», adierazi dute.

Herritarren ilada Ordiziako azokan, itxialdiaren hasieran. ©Jon Urbe/ Foku

Baserritarrak haserre, Jaurlaritzak azokak debekatu dituelako

Iker Aranburu

EHNEk uste du Jaurlaritzak ez duela eskumenik salmenta zuzeneko eremuak debekatzeko. "Erabaki tamalgarria», Enbaren ustez

Osasungintzako langileak txaloka Nafarroako ospitale gunean ©Idoia Zabaleta, FOKU

Koronabirusaren hedapena geldotzen ari da Nafarroan, baina ez Araban, Bizkaian eta Gipuzkoan

Ainhoa Larretxea Agirre

Lau hildako eta 112 kutsatu berri izan dira Nafarroan azken orduetan, eta hildakoak hamazazpi dira Araban, 25 Bizkaian eta hamar Gipuzkoan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna