Noiz sortua: 2020-02-24 09:52:40

Osasun larrialdia

Italia iparraldean zazpi dira jada koronabirusak hildakoak

Mediterraneoko herrialde horretan, 229 kutsatu baino gehiago daude; horren ondorioz, bertan behera utzi dituzte Veneziako inauteriak. Txinako presidenteak dio birusarena 1949tik izan duten osasun krisirik «larriena» dela.

Bi lagun Italia iparraldeko Vo' Euganeok, atzo.
Bi lagun Italia iparraldeko Vo' Euganeok, atzo. Nicola Fossela / EFE Tamaina handiagoan ikusi

Berria -

2020ko otsailak 25

Txinako Wuhan hirian zabaltzen hasi zen koronabirusak zazpi lagun hil ditu Italia iparraldean. Gaur baieztatu dituzte azken kasuak; gehienak adinekoak dira, aurretik ere gaixorik zeudenak. Iragan ostiraletik hona, 229 kutsatu baino gehiago baieztatu dituzte Mediterraneoko herrialde horretako agintariek.

Egoera hori ikusirik, hamar bat herri bakartu zituzten herenegun —50.000 lagun inguru—, eta Veneziako inauteriak bertan behera utzi behar izan dituzte; Milanen eta Turinen, eskolak, museoak eta tabernak itxi behar izan dituzte. Veneto, Lombardia, Piemonte eta Emilia-Romagna probintzietan atzeman dituzte kasu ia guztiak.

Italiako Gobernuak oraindik ez du aurkitu zein den kutsaduren iturria, baina Lombardiako Lodira eta Venetoko Vo'Euganeora mugatu dute; denera 3.000 analisi egin dituzte, eta gobernuak oraingoz ez du mugak ixteko asmorik. Hain justu, hori da Europako Batzordeak atzo agertu zuen kezka: estatu kideen Osasun ministroak elkartu egin ziren duela hamar egun, Bruselan, eta adostu zuten aireportu batzuetan kontrolak ezartzea. Horrek, ordea, ez du eragotzi koronabirusak herrialdeetako mugak pasatzea.

Schengengo Itunaren arabera, estatu kideek kontrolak ezar ditzakete berriz beren mugetan, «berehalako mehatxu bat »baldin badute —aldebakarreko erabakia izan daiteke—. Janez Lenarcic Europako Batasunaren Krisien Kudeaketako komisarioak gaur estatu kideei eskatu die euren artean koordinatzeko eta «proportziozko neurriak» hartzeko.

Iranen, azken bi asteetan gutxienez 50 lagun hil dira koronabirusagatik, denak erdialdeko Qom hirian, ILNA berri agentziak jakinarazi duenez; 250 herritar berrogeialdian daude.

Xi Jinpingen kezka

Txinako Alderdi Komunistak atzo egindako batzarrean, Xi Jinping herrialde horretako presidentea kezkatuta agertu zen koronabirusaren garapenagatik: «Koronabirusa azkarren hedatzen dena da, kutsatu gehien dituena, eta aurreikusteko eta kontrolatzeko zailena izan dena».

Agintariaren arabera, herrialdeak 1949tik izan duen osasun krisirik «larriena» da. Atzo arte, Txinako agintariek 2.592 hildakoren berri eman dute; kutsatuak 77.150 dira.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Koronabirusaren azken datuak

Koronabirusaren azken datuak

Berria

Euskal Herrian 12.944 gaixok eman dute positibo koronabirusaren proba eginda. 846 hil dira. COVID-19 gaitza izandako 4.601 pertsonari eman diete alta. Grafikoak, albiste barruan.

Erosketak egiteko ilarak Gasteizen. ©Jaizki Fontaneda / Foku

Osakidetza test azkarrak erabiltzen hasi da

Berria

Italiako Gobernuak herrialdean lehorreratzeko debekua ezarri die Mediterraneoan migratzaileak erreskatatzen dituzten ontziei. «Osasun larrialdiak irauten duen bitartean, ezin dira oinarrizko baldintzak bermatu», adierazi dute.

Herritarren ilada Ordiziako azokan, itxialdiaren hasieran. ©Jon Urbe/ Foku

Baserritarrak haserre, Jaurlaritzak azokak debekatu dituelako

Iker Aranburu

EHNEk uste du Jaurlaritzak ez duela eskumenik salmenta zuzeneko eremuak debekatzeko. "Erabaki tamalgarria», Enbaren ustez

Osasungintzako langileak txaloka Nafarroako ospitale gunean ©Idoia Zabaleta, FOKU

Koronabirusaren hedapena geldotzen ari da Nafarroan, baina ez Araban, Bizkaian eta Gipuzkoan

Ainhoa Larretxea Agirre

Lau hildako eta 112 kutsatu berri izan dira Nafarroan azken orduetan, eta hildakoak hamazazpi dira Araban, 25 Bizkaian eta hamar Gipuzkoan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna