Noiz sortua: 2020-02-28 14:06:29

bihar berria-n

Egiguren: «Bilduk nazionalismo modernoa egiten badu, EAJk gaizki pasatuko du»

PSE-EEko presidente ohiaren elkarrizketa argitaratuko du bihar BERRIAk. Aurrerapena da hau.

Jesus Egiguren PSE-EEko presidente ohia, otsailaren 12an, Elgoibarren, Txillarre baserrian.
Jesus Egiguren PSE-EEko presidente ohia, otsailaren 12an, Elgoibarren, Txillarre baserrian. Juan Carlos Ruiz/Foku Tamaina handiagoan ikusi

Enekoitz Esnaola -

2020ko otsailak 28

Jesus Egigurenek berak hautatu du elkarrizketarako tokia, «aspaldian» egon gabe baitago: Txillarre baserria. Kuttuna du lekua, «zerbait» egin zuten-eta han. Arnaldo Otegik eta biek, orain dela hogei urte, Elgoibarko (Gipuzkoa) baserri hartan ekin zieten isilpeko elkarrizketei. Duela hamar urte, PSOEn Egigurenek soilik esaten zuen ETA bukatzera zihoala. Orain, berriz, iragarri du hiru urte barru has daitezkeela itunak egiten PSE-EE eta EH Bildu.

Hona hemen, aurrerapen modura, Egigurenen esan batzuk:

- «Oraingoz, ez da posible Bildu-PSE edo PSE-Bildu gobernu bat Euskadin, edo batak bestea babestea. Baztertu aukera hori urte batzuetarako. Baina EAJk ez ditu berekin karta denak. Esan nahi dut: Euskadin hurrengo [2023ko] udal hauteskundeen ondoren hasiko dira gauzak aldatzen, eta, PSE-Bildu itun asko egiten badira, EAJk indar handia galduko luke».

- «Nazionalismo moderno bat egin beharko luke Bilduk, ez Sabino Aranaren nazionalismo hori. ERC moduko alderdi bat izan beharko luke, eta, nazionalismo hori egiten badu, EAJk gaizki pasatuko du».

- «Jendea ez dago aspertuta, baina, gogoeta intelektual batetik, esango nuke alternatiba modura desagertzen ari dela PSE, eta EAJren osagarri bihurtzen. Hori ez da ona alderdiarentzat».

- «Espainian autodeterminazio eskubidea ez da onartuko, baina egundoko autonomia lortzea dago. Lerro horien barruan egin behar da politika. (...) Gehiengoa ez da beti demokraziaren lege nagusia».

- «[Euskal] Preso denek Euskal Herrira ja hurreratuta egon beharko lukete, eta, gero, legearen barruan zer egin daitekeen aztertu, zigorrak lehenbailehen pasatzeko».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Koronabirusaren azken datuak

Koronabirusaren azken datuak

Berria

Euskal Herrian 12.944 gaixok eman dute positibo koronabirusaren proba eginda. 846 hil dira. COVID-19 gaitza izandako 4.601 pertsonari eman diete alta. Grafikoak, albiste barruan.

Erosketak egiteko ilarak Gasteizen. ©Jaizki Fontaneda / Foku

Osakidetza test azkarrak erabiltzen hasi da

Berria

Italiako Gobernuak herrialdean lehorreratzeko debekua ezarri die Mediterraneoan migratzaileak erreskatatzen dituzten ontziei. «Osasun larrialdiak irauten duen bitartean, ezin dira oinarrizko baldintzak bermatu», adierazi dute.

Herritarren ilada Ordiziako azokan, itxialdiaren hasieran. ©Jon Urbe/ Foku

Baserritarrak haserre, Jaurlaritzak azokak debekatu dituelako

Iker Aranburu

EHNEk uste du Jaurlaritzak ez duela eskumenik salmenta zuzeneko eremuak debekatzeko. "Erabaki tamalgarria», Enbaren ustez

Osasungintzako langileak txaloka Nafarroako ospitale gunean ©Idoia Zabaleta, FOKU

Koronabirusaren hedapena geldotzen ari da Nafarroan, baina ez Araban, Bizkaian eta Gipuzkoan

Ainhoa Larretxea Agirre

Lau hildako eta 112 kutsatu berri izan dira Nafarroan azken orduetan, eta hildakoak hamazazpi dira Araban, 25 Bizkaian eta hamar Gipuzkoan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna