Albistea entzun

Italia, koronabirusagatik ateak itxi dituen Europako lehen estatua

Mundu osoan 110.000 dira kutsatutakoak eta 4.000 hildakoak. Europar Kontseiluak ezohiko bilera deitu du arratsalderako, birusaren aurkako neurriak adosteko.

Osasun kontrol bat Italia eta Austria arteko mugan. /
Osasun kontrol bat Italia eta Austria arteko mugan. / MATTEO DONAGRANDI/EFE Tamaina handiagoan ikusi

Arantxa Elizegi Egilegor -

2020ko martxoak 10

9.172 kutsaturekin eta 463 hildakorekin —lehendik beste gaixotasunen bat zuten adinekoak gehienak— Italia izan da Txinaren bidea hartu duen Europako lehen estatua. Apirilaren 3ra arte bertan behera utzi dituzte kirol lehiaketa guztiak eta baita bestelako ekitaldi jendetsuak ere. Zinemak, antzokiak eta kafetegiak ere itxita egongo dira tarte horretan. Aurrez jatetxeek goizeko seietatik arratsaldeko seietara irekitzeko baimena zuten, baina hori ere bertan behera geratu da.

«Gure ohiturak aldatu beharrean gaude. Ahalegina egin behar dugu herrialde osoaren onerako. Elkarlanean ari beharko dugu, neurri zorrotzagoak saihestu nahi baditugu», ohartarazi du Giuseppe Conte lehen ministroak. Bidaiak ere mugatu egingo dituzte, eta hiritik atera behar duen orok zergatiak azaldu beharko dizkie segurtasun indarrei.

Italia izan da halako neurriak hartzen lehena, baina litekeena da datozen asteetan gehiago izatea bide berari jarraitzen diotenak. Stella Kyriakides, EBko Osasun komisarioak eskatu die estatu kideei har ditzatela «birusari eusteko neurri gogorrak».

Europako Legebiltzarrean eginiko agerraldian mintzatu da komisarioa. Neurri gogorrak batez ere orain arte «kasu gutxi» izan dituzten herrialdeetan hartu behar direla azaldu du. Iragarri du datozen egunak eta asteak «erabakigarriak» izango direla.

Gobernuek ezarritako neurriak «zehatz-mehatz» bete behar direla esan du, «beharrezkoak direnean eta justifikatuta daudenean, gogorrak badira ere». Ohartarazpen argia egin du komisarioak: «Ezin dugu jarraitu orain arte bezala bizitzen. Salbuespenezko egoera bat da hau, eta jende guztiak bere ardurak bete behar ditu». Estatuei planifikatzeko eskatu die, izurriaren aurretik joateko.

Birusa zenbakitan. Mundu osoan, 110.000 inguru dira kutsatutakoak, eta 4.000 hildakoak. Gaur-gaurkoz, Txinak du oraindik ere kutsatu gehien. Han 80.000 dira kutsatutakoak, eta 3.100 hildakoak. Hala ere, han datuak ez dira horren ezkorrak, azken egunetan behera egin baitu gaixotutakoen kopuruak, eta horren argibide da, Wuhanen, COVID-19a lehen aldiz agertu zen eskualdean, itxi egin dituztela gaitzagatik zabaldutako behin-behineko hamalau erietxe.
Txina lasaituz doan heinean, ordea, Europan alerta maila handituz doa. Arratsaldean biltzekoak dira —bideokonferentzia bidez egingo dute bilera— Europar Kontseiluko kideak, koronabirusari aurre egiteko neurriak adosteko.

Mugikortasuna, mugatuta. Hainbat herrialdek, Danimarkak kasurako, aire eremuak ixtea erabaki dute, eta kasu asko dituzten herrialdeetako hegaldiei sartzea debekatzea. Gauza bera egin du Serbiak ere, Italia, Txina, Hego Korea eta Suitzatik doazen hegaldiekin. Kazakhstanek Espainia ere gehitu du bere zerrenda beltzera. Hong Kongek, berriz, iragarri du Italia, Frantzia eta Japoniatik doazen bidaiariak berrogeialdian jarriko dituela. 

New Yorkeko unibertsitatea, itxita. Aurrez aurreko klaseak bertan behera utzi dituen AEBetako lehen unibertsitatea izan da New Yorkekoa. Zuzendaritzak ikasleei aholkatu die etxetik jarrai ditzatela klaseak, eta bertan behera utzi dituzte bestelako ekitaldi guztiak ere.

Alemania eta Frantzia, erdibidean. Italiak hartutako bidearen aurkakoa hautatu dute Berlinek eta Parisek. Alemanian 1.295 herritarri diagnostikatu diete COVID-19 birusa eta 78 gaixo bat eta 89 urteko beste bat hil dira gaitzak jota. Jens Spahn Osasun ministroak ohartarazi du gaitzak ez duela oraindik goia jo, baina baztertu egin du herritarrei etxean geratzeko eskatzea. Aldiz, «arduraz» jokatzeko eskatu die eta debekatu egin dituzte mila pertsona baino gehiago biltzen dituzten ekitaldiak.

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Aleksandr Litvinenko errusiar espioi ohia, 2006ko azaroan, pozoitua izan eta egun gutxira, Londresko Unibertsitate Ospitalean. ©EFE

Litvinenko Errusiak hil zuela ebatzi du Estrasburgoko auzitegiak

Gorka Berasategi Otamendi

Moskuk ukatu egin ditu akusazioak, eta adierazi du ez duela zigorra aintzat hartuko. Epaimahaiaren iritziz, Kremlinek ez du ikerketa «eraginkor» bat egin espioi ohia nork pozoitu zuen argitzeko
Meral Simsek idazle kurdua kalean dago oraingoz, baina astean hirutan joan behar du polizia etxera. ©ORSOLA CASAGRANDE

Simsek idazle kurduak jasotako sariak ikertzeko eskatu du Turkiak

Orsola Casagrande

Urriaren 5ean egingo dute Meral Simseken aurkako hurrengo saioa. Simsek ez da Turkian epaitzen ari diren idazle bakarra:. Roza Metina kazetariari ere «terrorismoa» leporatu diote
Joe Biden AEBetako presidentea, Nazio Batuen Erakundearen Batzar Orokorrean, atzo. ©EDUARDO MUÑOZ / EFE

«Diplomazia aro berri bat» hasi nahi du Bidenek, fokua Asia ekialdean jarrita

Julen Aperribai

AEBetako presidenteak ukatu egin du Txinarekin «beste gerra hotz bat» hasi nahi duela, Nazio Batuen Erakundeko bazkideen aurrean
Aleksandr Litvinenko errusiar espioi ohia, 2006ko azaroan, pozoitua izan eta egun gutxira, Londresko ospitale batean. ©EFE

Litvinenko Errusiak hil zuela ebatzi du Giza Eskubideen Europako Auzitegiak

Gorka Berasategi Otamendi

Espioi ohia Londresen hil zen, 2006. urtean, polonioarekin pozoituta. Erresuma Batuak aitortua zion asilo politikoa.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna