Noiz sortua: 2020-03-16 13:14:56

Musika

Genesis P-Orridge musika industrialaren erreferentea hil da

Throbbing Gristle eta Psychic TV taldeen buru izan zen, eta lan handia egin zuen musika esperimental eta industrialaren hedapenean.

Genesis P-Orridge.
Genesis P-Orridge. Berria Tamaina handiagoan ikusi

Mikel Lizarralde -

2020ko martxoak 16

2017. urtean diagnostikatu zioten leuzemia, eta haren ondorioz hil zen atzo Genesis P-Orridge (Manchester, Ingalaterra, 1950). Throbbing Gristle musika industrialaren talde aitzindariaren parte izan zen 1970eko hamarkadan, eta, proiektu esperimental eta probokatzaile hura amaitu ostean, Psychic TV egitasmo ez hain bortitz baina halere esperimental eta arriskatua jarri zuen abian.

Genesis P-Orridgek bizitza bera ulertzen zuen esperimentu gisa, eta ikuspuntu hori sormenera nahiz bere bizitzara eraman zuen. Hala, 1993an, Jaqueline Breyer artista ezagutu zuen —Lady Jaye izenarekin arituko zena—, eta genero trantsizioari lotutako Pandroginia proiektua jarri zuten martxan. Bikoteak adostu zuen bakoitzaren gorputzean hainbat aldaketa egitea, prozesuaren amaieran bikiak izan zitezen. Hain zuzen ere, biek izen bera hartu zuten (Breyer P-Orridge) eta bakoitzaren indibidualismoaren aurretik bikotearen izaera indartu nahi izan zuten.

Neil Andrew Megson izenarekin jaio zen Genesis P-Orridge, eta bere ibilbide artistikoa COUM Transmissions proiektuaren barruan (1969-1976) hasi zuen. Ordurako izen berria erabiltzen zuen —1971n ofizial bihurtu zuen—, eta William Burroughs idazlearen eragina aitortzen zuen. COUM Transmissions taldeak performance artistiko eta musikalak egiten zituen, eta hainbat erreferente eta erreferentzia zituen: Tristan Tzara, beatnik mugimendua, pornografia... Taldeak, gainera, uko egin zien gizarteak ezarritako arauei, eta garaian polemika handia eragin zuten ekintzak egin zituen.

Proiektu hartatik eratorri zen Throbbing Gristle (1976-1981) musika industrialaren eta zarata-rockaren talde aitzindaritzat jotzen dena. Hainbat diskotan ez ezik, zuzeneko emanaldi-performanceetan ere islatu zuten beren ikuspegia Genesis P-Orridgek eta bere kideek (Peter Christopherson, Cosey Fanni Tutti eta Chris Carter). Elementu pornografikoak eta nazismoaren erreferentziak erabiltzen zituzten, eta horrek berak iskanbila handia eragin zuen. Taldeak, halere, beti defendatu zuen bere helburua zela giza kondizioaren alderdi ilun eta obsesiboetan arakatzea, eta ez horrenbeste musika atsegina egitea.

Throbbing Gristleren bidea amaituta, 1982an ekin zion bere proiektu propioari Genesis P-Orridgek. Psychic TV izena jarri zion, eta elektronika esperimentala nahiz pasarte goxo eta ia onirikoak uztartzeko baliatu zuen.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 7an eguneratua, 14:00etan. ©BERRIA

Koronabirusaren azken datuak

Berria

Euskal Herrian 12.401 gaixok eman dute positibo koronabirusaren proba eginda. 790 hil dira. COVID-19 gaitza izandako 4.149 pertsonari eman diete alta. Grafikoak, albiste barruan.

Zazpi kaletako metro sarrera, Bilbon. ©Aritz Loiola / Foku

Beste 77.200 kasu atzeman dituzte munduan

Berria

OME Osasunaren Munduko Erakundeak emaniko datuen arabera, munduan 1.279.722 COVID-19 kasu diagnostikatu dituzte dagoeneko, atzo baino 77.200 gehiago. Edonola ere, aurreko egunarekin parekatuta, %5 gutxiago dira gehituriko kasuak. Denera 72.716 pertsona hil ditu birusak dagoeneko munduan.

Urkullu lehendakaria eta Artolazabal Enplegu eta Gizarte Politiketako sailburua ©Irekia

ELAren eta LABen salaketari buruzko erabakia atzeratu egin du EAEko Justizia Auzitegiak

Jokin Sagarzazu

Urkulluk dio sindikatuek auzitara jo izanak ez duela «inolako justifikaziorik».

Lanbidek Bilbon duen buego bat, aurreko astean ©Luis Tejido (Efe)

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna