Albistea entzun

Musika

Martxan da BERRIA Aretoa: Jon Basagurenen kontzertua, ikusgai

Kultura agenda ia osoa bertan behera utzi du koronabirusaren zabalpenak Euskal Herrian, eta horri zirrikitu bat eman nahi dio BERRIAren areto digitalak. Sortzaileen emanaldiak izango dira ikusgai egunero.

BERRIA -

2020ko martxoak 16

Kultur sortzaileentzat leiho bat zabaldu du BERRIAk, koronabirusaren ondorioz kultur agenda bertan behera geratu ostean: martxan da BERRIA Aretoa. Egunero izango dira ikusgai kultur sortzaileen emanaldiak: besteak beste, musikarienak, aktoreenak eta ipuin kontalarienak. Ikusgai da lehen saioa, Jon Basaguren musikariarena. Bi emanaldi izango dira egunean: bat 10:00etan eta bestea 18:00etan.

Mahomak mendira joaterik ez duenean, mendia eraman behar Mahomarenganaino. Hori dio esaera zaharrak, eta, hain zuzen, hori da BERRIA egunkariak martxan jarritako proiektuaren helburua. Kultur ekitaldiak bertan behera geratu dira koronabirusaren eraginez, eta BERRIA sortzaileen etxeraino sartuko da, haien sorkuntza hedatzen jarraitzeko: sofatik mundura.

Diziplina ugaritako sortzaileen plaza izango da BERRIA. Besteak beste, kontzertu digitalak emango dituzte Anarik, Morauk, Birkitek, Eneritz Furyakek, Amorantek, Aguxtin Alkhatek, Iker Laurobak eta Leire Letuk; haurrentzako tailer bat emango du Mursegok; Mikel Martinezek eta Dorleta Kortazarrek ere egingo dituzte emanaldiak, Jon Maia dantzariak ere bai, eta Txakur Gorria taldeak parte hartzeko proposamen bat ekarriko du.

Zerrenda haziz joango da egunez egun, eta egunez egun emango du BERRIAk programazioaren berri. Proposamenak bidaltzeko atea irekita dago: aretoa@berria.eus helbidea dago horretarako eskura. Artisten proposamenak jaso, eta BERRIA jarriko da haiekin harremanetan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

BERRASMATU BEHARREKO SISTEMA

Arantxa Iraola - Garazi Aduriz

Erruz ugaritzen ari dira osasun sistema publikoan dauden arazoei buruzko berriak; izurriak zamatu egin du aurrez ere usu herren ari zen lan eredua. Populazioa zahartzen ari den neurrian, premia handitzen ari da, eta sistema berriz asmatzeko garaia da, sare publikoak sendo iraun dezan, pribatuaren itzal gero eta luzeagoaren aurrean.
 ©JON URBE / FOKU
 ©IDOIA ZABALETA / FOKU
Osasun langileek antolatutako protesta bat, artxiboko irudi batean. ©MONIKA DEL VALLE / FOKU

Aintzat hartuak izateko bide bila

Arantxa Iraola - Garazi Aduriz

Profesional eskasiaz kexu dira agintariak usu, osasun sistemaren zailtasunez aritzean; lehen arretan izaten da arazoa sarrien. Lotuta dago lan zamarekin, antolaketa txarrarekin, prestigio urriarekin: hortxe erronkak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Informazio osagarria

Iruzkinak kargatzen...