Noiz sortua: 2020-03-19 16:04:01

Jaurlaritzak aplikazio bat sortuko du koronabirusari aurre egiteko

Aplikazioak prebentzio neurriak hartzen eta behin-behineko diagnostiko bat egiten lagunduko luke. Hego Korean arrakasta izan du sistema horrek.

Hego Korean aitzindariak izan ziren koronabirusare aurkako aplikazio bat sortzen.
Hego Korean aitzindariak izan ziren koronabirusare aurkako aplikazio bat sortzen. EFE Tamaina handiagoan ikusi

Paulo Ostolaza -

2020ko martxoak 20

Iñigo Urkullu lehendakariak gaur eguerdian egin du egoeraren balantzea egiteko agerraldia, eta, iragarri dituen neurrien artean, atzerritik datorren ideia bat nabarmendu du: koronabirusaren epidemiari aurre egiteko aplikazio bat sortzea, sakelakoetarako. Urkulluk behin eta berriz azpimarratu du zer-nolako garrantzia duen prebentzio neurriak hartzeak, eta horiek azaltzeko eta zabaltzeko balioko du aplikazioak, nagusiki. Kasuak identifikatzen eta haien jarraipena egiten ere lagunduko du.

Edozein herritarrek deskargatu ahalko du aplikazioa. Behin deskargatuta, sintomak dituzten herritarrek galdetegi bat bete beharko dute euren datu pertsonalekin eta dituzten sintomekin; informazio hori erabilita, aplikazioak ondorio bat aterako du, eta, beharrezkoa bada, proba egiteko ordua emango dio erabiltzaileari. Positibo eman ostean tratamenduarekin jarraitzeko ere balioko du, telefonoak kolapsatu gabe.

Urkulluk adierazi duenez, «sistema horrek erabilgarria dela erakutsi du beste herrialde batzuetan», eta datorren astetik aurrera egongo da eskuragarri Araban, Bizkaian eta Gipuzkoan. Zenbait euskal enpresa ari dira aplikazioa garatzen, Jaurlaritzako Osasun Sailarekin eta Osakidetzarekin elkarlanean. Lehendakariaren iritziz, «elkarlan publiko-pribatuaren arrakasta bat gehiago da proiektu hori», eta aplikazioak «berme mediko guztiak eta datuen babeserako sistemak» izango dituela gehitu du.

Hego Korean aitzindariak

Hego Korean izan ziren koronabirusaren epidemiari aurre egiteko aplikazioak sortzen aitzindariak. Nazioarteko hainbat herrialdek aitortu dute eraginkorra izan dela han ezarritako sistema, eta asko ari dira ideia kopiatzen. Txina izan zen lehenengoa, Espainiak duela bi egun adierazi zuen antzeko egitasmo bat garatzen ari zela, eta gaur Jaurlaritzaren txanda izan da.

Hego Korea izan zen Txinatik kanpo garatu zen koronabirusaren lehen foku handia, baina, beste herrialde batzuekin alderatuz gero, makal garatu da epidemia han. Dagoeneko kasu berri gutxi agertzen ari dira, eta, gaixotutakoen artean, hildakoen tasa %1 ingurukoa da. 

Aplikazioak, gainera, ez die prebentziorako soilik balio izan. Hasieran, atzerritik iritsitako pertsonen egoera kontrolatzeko baliatu zuen app-a gobernuak, eta hala kudeatu zuten herrialdean zehar sakabanatutako 30.000 pertsonaren berrogeialdia. GPSaren lokalizazioa erabili zuten berrogeialdia egiten ari ziren lekutik ez zirela mugitzen bermatzeko. Erabilpen horrek, ordea, mahai gainean jar dezake herritarren pribatutasunaren, mugimendu askatasunaren eta egoeraren larritasunaren inguruko eztabaida.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 7an eguneratua, 14:00etan. ©BERRIA

Koronabirusaren azken datuak

Berria

Euskal Herrian 12.401 gaixok eman dute positibo koronabirusaren proba eginda. 790 hil dira. COVID-19 gaitza izandako 4.149 pertsonari eman diete alta. Grafikoak, albiste barruan.

Saltoki txikiak itxita Iruñean. ©Iñigo Uriz / Foku

Kontrolak indartuko dituzte Aste Santuan

Berria

Martxoaren 21az geroztik SARS-CoV-2 birusaren kasu berri gutxien atzeman duten eguna izan da atzokoa Euskal Herrian. Testa egin gabe ari dira sendagiria ematen gaitzak jotako osasun langileei.

Urkullu lehendakaria eta Artolazabal Enplegu eta Gizarte Politiketako sailburua ©Irekia
Lanbidek Bilbon duen buego bat, aurreko astean ©Luis Tejido (Efe)

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna