Hil egin da Pauen artatzen ari ziren atharratzearra

Paueko (Okzitania) ospitalean artatzen ari ziren zuberotarra.Lapurditik kanpoko lehen kasua Ipar Euskal Herrian.

Paueko Erietxe Zentroa Tamaina handiagoan ikusi

Oihana Teyseyre Koskarat -

2020ko martxoak 20

Paueko opsitalean artatua zen 66 urteko gizona, Atharratzekoa (Zuberoa), hil egin da gauean. Koronabirusa zuela baieztatu zuten asteazkenean. Mauleko Herriko Etxeak baieztatu zuen gaixo zela, eta Paueko (Okzitania) ospitalean artatua zen. Pirinio Atlantikoetan 21 koronabirus kasu daudela baieztatu zuenatzo Paueko suprefeturak.

Ipar Euskal Herriko kasuen gorakadari aurre egiteko neurri bereziak hartzen hasi dira Lapurdin eta Baxenabarren. Hala, Donibane Lohizune eta Angeluko (Lapurdi) mediku sareak, Gurutze Gorriaren laguntzarekin, behin-behineko erietxeak ezarri ditu martxan herri horietako kirol geletan. Oraingoz ez dute paziente kutsatuei harrera egiteko asmorik. Mediku kabineteen eta larrialdi zerbitzuen saturazioari aurre egitea dute helburu, lehenik. Pazienteek ezingo dute medikuaren baimenik gabe joan behin-behineko erietxeetara, jende gehiegi bertaratzea eragotzi nahi dutelako bertako langileek. Osagarri gisa, Donapaleun (Baxenabarre) ere, birusa daukatenentzako ohe gehigarriak prestatzen hasi dira ospitaleko langileak.

Egoerak okerrera egingo balu, behin-behineko erietxeetan birusa daukaten pertsonak artatzen ahalko lituzkete; horretarako, kutsatuak ez direnek beste gela batean egon beharko lukete.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Txagorritxuko erietxean, COVIDaren test serologikoak aztertzen. ©G. RUBIO / FOKU

Eritasunari buruzko lezio berrikusia

Arantxa Iraola

Asko falta da oraino, baina COVID-19aren inguruko ezagutzak egunero ari dira argitzen, osatzen; ondorioz, izurriaren hasieran gaitzaz esan ziren hainbat gauza zahartuta eta atzeratuta geratu dira guztiz. Etengabeko berrikusketa eskatzen du gai honek.

Langile bat, Garesen, piperra biltzen iaz. ©Jesus Diges / efe

Nafarroan, PCR probak egingo dizkiete sasoikako langileei

Joxerra Senar

Abuztutik urrira bitartean, ardorako mahats bilketan edo bestelako barazki eta fruituen uzta bilketarako Nafarroaz kanpotik etorriko diren langileei probak egingo dizkiete, etan positibo emanez gero, konfinamenduan lagunduko die gobernuak.

Basurtun, PCR probak egiten ©Javier Zorrila / efe

300 positibotik gora Hego Euskal Herrian

Berria

Bizkaian eta Araban gorakada nabarmenak izan dira.

Pentsionisten elkarretaratzea Bilboko Justizia Jauregian. ©Aritz Loiola

Pentsiodunek pandemiako testigantzen txosten bat aurkeztuko diote EAEko Fiskaltzari

Maialen Arteaga

Irailaren 7an bilduko dira fiskalarekin pandemiako testigantzak eta datuak biltzen dituen txostena helarazteko

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna